المثلية الجنسية

محدش بيختار ميولة الجنسية زى حجات كتير مبنختارهاش زى الاسم مثلا طبيعة المجتمع بتفرض علينا قوالب للتنميط زى مثلا الشعر الطويل للبنات والقصير للولاد وطريقة اللبس وكل حاجه 

كونك تبقى مثلى للجنس دى مش حاجه سهل كده ولا بسيطة زى ما معظم الناس ما متخيلة ان دى مرحلة قبل الزواج وتفريغ للكبت 

جربت انك تكون عكس التيار طول حياتك تبقى جوا بيتك مرتاح فى لبس محدد فى طريقة كلام معينة لكنك متقدرش تجاهر بده فى العلن وبتضطر تخشن او تقوى صوتك فى مكان العمل وفى الشارع لمجرد ان ميتقالش عليك منسون او يتصرف معاك الناس بتصرفات بغيضة 

جربت انك تستحمل كلام الناس لفترات واسالتهم ليه ما اتجوزتش هو ازاى الولد ده صحبك للدرجة دى هو انتا ليه بتمسك ايده كده ليه حطيتلو الرنة دى على التليفون 

جربت نظرت ابوك وامك ليك لما يشكو فى تصرفاتك ويكلموك على انك مش طبيعى " طب ايه الطبيعى من وجهة نظرهم " 

انك تمشى مع بنات ان موبيلك يبقى مليان بحبيبتى وروحى 

Daayiee عبد الله

عبد الله من 4 ائمة مثليين فى العالم ومن مؤسسين مؤسسة الفاتح للعمل مع المثليين جنسيا ويعمل على نبذ العنف ضد المثليين جنسيا من المسلميين

زمان كان بنسبالى المثلية الجنسية بتسببلى بعض القرف لما اشوف ولدين بيتبادلو القبل لكن بعد قرائة فى الموضوع ده من منظور انسانى بحت بعيدا عن الاديان ولانى مقتنع اننا كبشر نستطيع ان نحدد ادميتنا بشكل كامل اقتنعت كليا بان المثلية ده حق وميول من الولاده مش شذوذ ولا قرف 

Macklemore & Ryan Lewis - 'Same Love"

الموسيقى والفيديو عن "Same Love"، من إخراج ريان لويس و جون جون Augustavo والتي تنتجها تريشيا ديفيس، لاول مرة على حساب يوتيوب لويس في 2 أكتوبر، 2012، وتراكمت 350،000 مشاهدة بعد 24 ساعة لاول مرة. اعتبارا من أبريل عام 2014، كان شريط الفيديو أكثر من 115 مليون مشاهدة. الفيديو، بيحكى قصة شابين بيحبو بعض ومواجهة المجتمع ليهم من اول الناس ونظراتهم فى الشارع لحد والدهم وبينتهى بالزواج بينهم وتقبل الناس للخبر على امل ان يتم تعميم تجربتهم وتقبل بيهم باقى الكنائس

مش شرط ان المثلى يكون بيحط روج ويلبس ملابس حريمى او يتصرف تصرفات تشبههم لكن ممكن يكون المثلى واحد عادى زى وزيك التنميط اللى بيخلقو الاعلام والميديا والسينما للمثلى فى حد ذاتها تجريح ليه وده اللى تلاشاه ريان لويس فى الفديو الاصلى للاغنية .

هارفى ميلك 

هارفي ميلك اتقتل سنة 1978

اشتغل اخر 8 سنين في حياته على قضايا المثليين في امريكا وهو اول واحد مثلي امريكي يكون في منصب زي رئيس الحي الناس مكانتش قبلاه وبدأو عليه بحملات هجوم عنيفه لكنه نجح

نجح كمان في اصدار قانون لحماية المثليين في امريكا كلها

المثلية الجنسية الذكورية فى وجهة نظرى اعقد كتير واصعب من المثلية الانثوية فعلا بنلاقى ان المجتمع بيتقبل حتت ان المراة مثلية وبيرجع ده الى تاخر زواجها او شهوتها الكبيرة وده يمكن اللى ديما بناقيه فى ردود مدونة يوميات امراة مثلية

على العكس المجتمع بيعتبر المثلى الذكورى شئ لا يقبل تماما حتى بعيدا عن الدين بالذات المثلى الملقب بالرمز - عن الملقب بالرمز +

كونه دائما يكون اسفل او دائما ياخذ وهذا الرد فعل مبنى من ذكورية المجتمع وعدم تقبلهم لذكر ياخذ او ذكر - بينهم 

محاولة للتدويين فى اليوم المصرى لمناهضة التمييزضد المثليين

ذكرى وتضامن لمعتقليين الكوين بوت وكل المثليين المطهضين فى مصر والعالم

التعليم بالغصب

عارف لما مثلا تتمسك بحاجه لحد الجنون او لحد ما تخليها السبب فى كل حاجه بتحصل فى الكون .هو ده اللى بيحصل لما الناس تتمسك بالدين او بمعنى اصح تلعب بالدين لمكاسب شخصيه او حتى لو كانت مكاسب مجتمعية .لما تستغل جهل الناس بامور الحياه وامور الدين وتستخدم منحه اعطاها ربنا لك عشان تدمر بها وتوصل لغرضك الشخصى هو ده اللى عمله محمد يوسف مؤسس جماعه بوكو حرام " الفيزياء والكيمياء من أعمال الشيطان، وأن المطر مخلوق من مخلوقات الله، وليس كما يقول الكفار والملحدون في علومهم، إنه ناتج عن تبخر المياه وتحول البخار الي سحاب ثم تحوله الي امطار في ظل ظروف مناخية مواتية."

دى كانت شطحة من شطحات المعلم الكبير محمد يوسف واللى استهل بها نشاطه ونشاط مجموعته عشان يسعو فى شمال نيجيرا ويبعثو فيها فساد بس طبعا عشان واحد مجنون زى ده يقدر انه يسيطر على دماغ مجموعة كبيرة من الشباب ويخليهم يؤمنوا بافكاره الهبلة دى لازم يكون المناخ الاقليمى مساعد .

نرجع بالزمن شوية لورا فى نيجيريا فى الشمال فى ولايه اسمها بورنو الولاية دى كانت ضمن امبراطورية " كانم بورنو " سكان الولايه كانو من اوائل اللى امنوا بثورة المهدى اللى كانت سعتها فى اوج انتشارها من السودان وراحوا كمان اعلنوا انهم حيلجأوا للحكم الذاتى وده اللى اثار سخط وغضب المستعمر اللى بينط زى الخازوق فى اى حاجة ممكن تهدد بقائه او سيطرته على البلد. البريطانيين لعبوا لعبتهم و راح وقفوا فى صف عثمان دان فوديو اللى بدا سعتها فى تأسيس الخلافة بنظام اسلامى فى ولاية سكوتو سنه 1809

حتقولى طبعا ايه اللى جاب القلعة جنب البحر ايه اللى جاب سكوتو اللى فى الشمال الغربى لبورنو اللى فى الشمال الشرقى حقولك اسأل المستعمر طبعا المستعمر عشان يقدر يجنى كل الثمرات من البلد كلها كان مقسمها لاقاليم وكان الشمال كله واخد البلد بالعرض اسمه الاقليم الشمالى حاجه كده زى اللى كانت قبل عمك مينا فى مصر المهم ان صحبنا عثمان دان مكدبش خبر وبمجرد ما عمل نظام الخلافة راح مستبعد كل الشباب التابعين لبورنو من الحياه السياسية فبل ما يتطاول ويطردهم من الاقليم كله، مش بس كده ده بعد كده منعهم من الدخول فى مفاوضات الاستقلال وده اللى زعل طبعا الشباب اللى كانوا بعد خروجهم من الاقليم او بمعنى اصح انحصارهم فى خندق فى الشمال الشرقى للبلاد. وفى سنة 1993 ظهرت تانى حاجه بتأخر تطور البلاد بعد الاحتلالات وهى الحكم العسكرى لما الجنرال ساني أباتشا واستولى على الحكم في نوفمبر عن طريق انقلاب عسكرى الماركة الافريقية المسجلة الراجل ده مطولش فى الحكم ،لكنة رسم ملامح جديدة لنيجيريا بتحويل الحكم من عسكرى لمدنى وبنقل الحكم من الشمال الاسلامى الى الجنوب لدرجت انه افسد مؤسسة التعليم اللى فى الشمال عشان يقدر يسيطر على الناس بعد ما يصابوا بالجهل لكن بقى زيادة الجهل جهل بتتقلب من ناس مبتفهمش ف بيتحكم عليهم لناس مبتتفهمش فيقاتلوك وده خلي بركان داخل بورنو يفور وطلع الشباب من كل حته وطلعوا مرة واحده وقدروا انهم يعملوا انقلاب و يحكموا البلاد لمدة 4 سنين من سنه 1999 ونجحوا فى انهم يطبقوا الحكم الاسلامى فى 12 ولاية، لكن ده برده مساعدش فى تطور البلاد ولا حتى فى القضاء على الامية اللى وصلت لنسبة 98% فى ولاية بورنو، ده غير طبعا تفشى الامراض اللى كانت اصلا مش موجوده او القضاء عليها فى العالم كله كانت وصلت فى نيجيريا لمرحلة الوباء زى الكوليرا والطاعون وده تسبب فى موت مئات الاشخاص نتيجة انعدام المياه الصالحة للشرب.
كل اللى عدى ده هو اللى شكل التربة الخصبة لمحمد يوسف انه يشكل جماعة بوكو حرام اللى بتعنى فى لغه الهوسا القبيله اللى بتسكن منطقة بورنو "التعليم الغربى حرام " مستفيد من تجاهل الحكومة و الامراض المنتشرة وكمان جهل الناس و لجوئهم للدين وده اللى عرف يوظفه محمد يوسف صح وبعد ما محمد سلح الرجال وغذى عقولهم بفكره السام من ان التعليم الغربى كله عبارة كلام كفار ومسحيين لا علاقة له بتعليم الله ورسوله وبعد ما اعلن انه شق من طالبان وان ليه علاقة بتنظيم القاعدة فى افريقيا بدا فى تنفيذ هجمته ضد المدنيين والعسكريين والحكومة والبريطانيين وفى ولاية يوبة سنه 2009 نفذوا ساعتها هجمة على مركز للشرطة بدرجات نارية و باقواس وسهام وشغل عنتر ابن شداد يوم 30 يوليو بالظبط واللى بعدها قامت الحكومة بحمله اعتقالات للجماعه واللى كان من ضمنها محمد يوسف اللى تم اعدامه بدون محاكمه الحكومة سعتها كانت فاكرة انها كده بتقضى على الجماعه دى للابد لكن اللى حصل العكس اعدام محمد يوسف والاسلوب الوحشى اللى كانت بتتعامل بيه الشرطة مع عناصر الجماعه هو ده اللى خلاها تكسب ارضية فى الشارع نفس اللى حصل مع الخرفان وزادت قوة الجماعه وبداو فى تنفيذ العمليات فى مناطق متفرقة لوقتنا الحالى
(نشرت فى 9 مايو 2013)

تعديل اضافى :-

23 ابريل 2014 خبر فى بى بى سي بيقول عصابات تحارب بالوكالة لصالح بوكو حرام فى نيجيريا
وفى سؤال للمراسل لاحد اعضاء هذه العصابة بهل انتم مؤمنون بالافكار التى تتبناها بوكو حرام افادو فى صوت واحد " لا ولكنا نفعل ذلك من اجل المال"
بوكو حرام فى الفترة الاخيرة ومن متابعة اعمالها ونشاطاتها حنلاقى ان فى تغير فى سياسه الحركة وده اللى بيخلينا نعرف اكتر انها لا تمثل الاسلام او المسلمين فى نيجيريا اما عن سبب الحدث الاخير بتاع خطف 200 فتاه من المدرسة وقتل الطلاب الذكور وبعدها كمان اعلانهم انهم حيبيعو البنات دى فى اسواق الرقيق وعن سبب هذا الفعل قال د/ باوا عبدالله ان السبب يرجع لرغبة بوكو حرام فى لفت انظار العالم ولو كان راى باوا عبدالله صح فاعتقد انها نجحت فى ده لكن انا كان لى رئي شخصى فى الاسباب ومنها هو الخبر اللى نشرتو فى البداية
" معظم مقاتلى بوكو حرام الان من المرتزقة الذين لا تجزبهم عقيده سوى الاموال وبده ابرر سبب رغبتهم فى بيع البنات وخصوصا ان كل عملياتهم السابقة كانت بتكون قتل كل من يقابلهم وعدم اخذ اسرى الا من الاجاب او اصحاب النفوذ ومن تحليلى للموضوع كمان ان فى خلال الفترة اللى جيا حنشهد انقسامات كتير داخل الحركة بين الوافدين الجدد المتمردين وبين اعضاء الحركة الاصليين
- كمان نقطة ضوء على اللى حصل ممكن نسال نفسنا سؤال جدى من الممول الرئيسي لهذه الحركات المسلحة "

بدايات 2

فى بدايات حكيت عن بداية وعى باللى حوليا وبدايه تشكيل الذكريات اللى بحاول ومش عاوز انساها ديما بعد مرور الزمن والحقبه اللى اتكونت فيها الذكريات دى اضطرينا اننا نسيب البلد لظروف عمل الوالد وننتقل لبيئة تانيه ومجتمع جديد بيئة المدينة والسكن فى عمارة على قد اختلافها على قد ما كان كرهى ليها الكره اللى بدا يقل مع مرور الزمة واللى تحول بعد كده للوصول للشخص اللى قدامكم ده اختلاف البيئتين كان صادم بالنسبالى رغم صغر سنى لكن الاختلافات الكبيرة اللى كانت موجوده واللى مكنتش بقدر استوعبها كويس حتى فى طريقة شرب الميا بعد ما تحولت من الثلاث زيار اللى فى وسط الحوش للتلاجة والقزازة او الحنفية مباشرة وده اللى حولنا نمحيه وجبنا بعد فترة بسيطة من انتقالنا للقوالب الحجرية الجديده اول كسر لحياتنا المدنية وهو الزير ده
وجودى فى المدينة وسط ناس من كل حته فى المحافظة كان بيزيد من شعورى بالغربة لكن بدات تزول بالتعرف عليهم ولان سنى كان اكبر من سن القبول فى الحضانه كانت المفاجئة انى حقضى النهار لوحدى فى البيت من غير ولدتى اللى بتشتغل واخويا اللى بيروح المدرسة واخويا الاصغر اللى بيروح فى حضانه خاصة
ومن هنا بدات صداقتى التانيه مع شريط الاغانى السودانيه اللى مش فاكر شكلو لانه تقريبا مكانش بيطلع من الكاسيت ومش فاكر كمان من الاغانى غيرها لانى مكنتش بسمعها الشريط كان شريط الاغانى الوحيد اللى تملكه والدتى واللى اصرت انه ينتقل معها للمدينة والمره دى كان اللقاء مع اغنية " حمام الوادى لحمد الريح "

كان اليوم بيبدا بدرى من الساعه السادسه صباحا فيتوجه ابويا واخويا واحد للشغل وواحد للمدرسة ووالدتى تقعد معايا شوية قبل توجهها للعمل وتبدا فى تحضير الفطار ليا عشان تسيبو معايا وعشان مستخدمش المطبخ فى غيابها
وبمجرد خلو البيت ببدا فى اخراج الكاسيت اللى مكانش بيتحرك من مكانه فى غرفة الواد واتوجه بيه للصاله واشغل الاغنيه وابدا فى الانصات والفرجة على دوران البكر داخل الكاسيت
لما بيبدا حمد كلامه ويقول " تقول لى ماشي من بكرة " تبدا تظهر صورة والدتى وهى تحت العمارة وانا بشاورلها من فوق البلكونة وانا قاعد على كرسى العجلة الزرقة بتاعت اخويا

وبعدها ارجع لحتت " صغارك مشتقين ترجع تضم العشب بحنية " وافتكر اخر قفله للباب ومامتى خارجه منو وانا من قبل ما تسيبنى اصلا وحشتنى 

يرجع حمد عشان يهون عليا ويقول " مش انتا القلت ما بتروح " على اساس انى ممكن اقسى على امى واقول انها بتكدب او اصدق واستنى عودتها من الشغل 

ويجى بعد كده لحتت " بلادك حلوه ارجع ليها " ودى كانت بتتربط معايا على طول بطرقنا للبلد وخصوصا المكان اللى بعد ادندان لما تلاقى الخضرة من الجنبين خصوصا فى قول " تلقى الخضرة بتغسل هم بياض ورد الضفاف الزاهيه "

من كتر مكانت الاغنيه بتاثرنى وبتوصف حالتى من كتر ما كنت بعيدها لدرجت انى مش عارف ايه الاغانى اللى كانت معاه فى الشريط
مرة الايام ومرة الظروف وزى ما فارقنا بيتنا اللى فى البلد فارقنا كمان حياتنا فى المدينة وانتقلنا لمكان جديد حاليا لا تربطنى بيه الا السفر الكتيير وتحول لقب حمام الوادى من امى لى انا ومن ساعتها وانا تقريبا كل اجازة اغنيلهم الاغنية دى بصوت عالى يمكن عشان اربط بيها ذكرى جديده فى ازهانهم او عشان يفتكرونى فى غيابه اخر مره امى قالتلى ايه اللى انتا بتقولو ده وخصوصا عند كوبليه " بلادك حلوه ارجع ليها دار الغربه مابيرحم "
وعلقت بان صوتى وحش قوى وبغنى بصوت عالى سعتها سالتها انتى فاكرة الاغنيه دى ولما بدات احكيلها حكايتها اللى كانت فى ذاكرتها عباره عن فتات من الذكريات استغربت قوى لما لقتنى فاكر كل ده بالتفصيل سعتها رديت وقلتلها انا بحارب عشان منساش وفعلا ده اللى بيحصل دلوقتى
" ملوك العزه مابتندم "

بدايات

كتير مننا ممكن مش فاكر امتا بدا يوعا على الحياه وامتا بدا يلمس الحياه ذكريات بدايه الحياه دى كانت بالنسبالى هى الكنز اللى بحاول ديما افكر نفسي بيها وبحاول انى اعيشها وانا مغمض عينى عشان متزوغش عنى تفاصيل ومنا التفصيله الصغيرة اللى متجسده فى اغنيه الذكرى المنسية
بدايه النضوج والوعي وتشكل الشخصية بتاعتى
كانت على الذكرى دى
بالظبط فى شارع 3 وقت ظهرية
وكل الناس مستخبية من حر الصيف فى بيوته
واحنا عند عمتى عيشة فى بيتهم اللى على ناصية الشارع
وباب الشارع مفتوح وحارسة الدار ستو هجلة فى وش الباب
على حصيرها الاخضر وجنبها الكوز اللى بتبصق فيه ريق المضغة
وكلنا على الاوضة اللى على اليمين على الكنب
والتسجيل محطوط على الشباك اللى فاتح على الحوش
وراوية وعمتو بيحضرو الغدا وببوسى راح يزقى البقار ويعديهم الترعه
قاعدين انا وحمو والشريط ده شغال
النور الجيلانى سعتها مكنتش اعرفو بس كنت بتمايل على اغانيه بس هو حيفضل مفكرنى بالمكان والزمان والاشخاص
ولما كان بيبدا يقول"  بتعدى مواسم وتروح " تلاقينا كلنا بصينا لبعض واندمجنا من جديد " المسافة بعيدة بعيدة بعيدة " وكان كل واحد فينا كان عارف ان الزمن لما يمر حنشتاق لساعه فراغ زى دى نسمع فيها اغنية زى دى كاننا كلنا كنا عارفين ان مع مرور الزمن حيستحيل تكرار قعدة زى دى واحنا بكل اسى بنقول " مليانه خطاوى وبمشيها "

اعترفنا باننا حنستسلم للحياه دى وحنسيبها تجرنا عشان " الفرقة بتبقى ابدية "
كل واحد فينا انجر لحياته والبيت بعوامل التعرية اتهد وكل واحد مننا بقى فى بلد 

هجلة اتوفت وهى سيبالنا ذكرى بنفتكرها ونضحك على مواقفها
لما يرجع يقول " لا فرح بدونك بتفيدنى لا قلبى ولا بيلقى الراحه "

ومن سعتها واحنا فعلا بندور على فتات الفرحة 

بنلاقيها سعات فى فرح زى فرح راوية او ولادة فطومة 

ولحد دلوقتى كلنا بنبحث عن الراحه
" الغنية حزينة حزينة مليانه محنه واغنيها "

اختى المتمردة

اختى المتمرده اللى لولا تمردها كان زمنها اختى شقيق لان للاسف تمردها خلا يحصل خلل فى الجينات ومطلعناش اخوات


ديما لما يبتدى حوارنا او نتكلم فى حاجه كتبتها تقولى هو انتا مبتكتبش عنى ليه كان سعتها ديما بيكون ردى واعترافى انى مبعرفش بجد اكتب عن الناس اللى قريبه منى بالشكل اللى يخلينى مرضى عن اللى كتبته وتجربتى الفاشلة فى مدونة الناس اللى بتغير طعم الحياه ومدونة بوش اكبر دليل عشان كده ومن قبل ما اكتب خليكم عارفين التدوينة دى ناقصة .....
من حوالى سنتين وده الغريب لقيت اكونت بيكلمنى وعاوز رقم تليفونى عشان عاوزنى فى موضوع بعت رقم التليفون وبدا الكلام احنا كنا عاوزين مساعدتك فى شغل حنعملو سوا طبعا وفقت وحددنا ميعاد ومكان اللقاء الاول اللى من سعتها اللقاءات متوقفتش ومش حتتوقف فى الاول العلاقة كانت مجرد عمل لحد مره واحده كاننا اتضربنا فى الخلاط بقت حياتنا وحده هى يعنى احمد واحمد يعنى هى خروجتنا مع بعض وبنرجع نكلم بعض تحركتنا كل واحد فينا عارف التانى بيتحرك ازاى وبيعمل ايه من غير ما نكون مع بعض اقدر انا دلوقتى اقولكم هى حاليا بتعمل ايه بالظبط هى دلوقتى حتكون بتغنى وهى عماله طالعه داخله من اوضتها للمطبخ تبص مره على اللاب وحاطة الموبيل فى الشاحن عشان ميعاد خروجها للشغل قرب .
علاقتنا كانت مختلفة بشكل كبيير فعلا انا عمرى ما شفت صداقة بمعناها الحقيقة الا مع البنت دى بصارحها بكل حاجه وتعرف عنى كل حاجه زى ما انا كمان اعرف عنها كل حاجه من غير ما تحكى ولا حتى تتكلم بس هى احساس يمكن ضربت الخلاط دى خلت روحنا واحده لدرجة ان مودنا ممكن يبقى معكر سوا وسعتها لو اتقابلنا تعالا شوف بقى الاحباط اللى بنبقى فيه لكن مجرد ما نخلص نزولنا نبص لبعض والضحكة ماليه جسمنا قبل ما تظهر على شفايفنا ونسلم على بعض او مش مهم نسلم حتى لاننا عارفين اننا حنلتقى تانى ....
حتفضل القصة مستمرة وحفضل انا وهى واحد حتى لو اختلف مكانا

المديد

الاكلة دى كانت مرتبطه معايه بكل عيد صغير "عيد فطر يعنى" كنا كلنا وبعد الصلا على طول نروح على بيت عمتى سميرة عشان ناكل المديد هناك المكان اللى بتسبقنا ليه امى عشان تساعدهم فى تحضير الوليمة الست دى كان ليها دقت نبر تحلف بيها كل توشكى مديدها بيطلع كله حته واحده مفيهوش كلكعه من اول ما اتعلمت المشى وانا بصلى العيد فى الجامع بطلع انا وابويا واخواتى كلهم على جامع شارع 11 هناك بنلاقى الناس بتبدا بترديد تهاليل العيد وديما بيكون المكتبه هو مكانه الثابت كل صلاه عيد وبعد الصلا بنطلع كلنا نعيد على بعض ونروح كلنا على بيت عمتى عشان نفطر من اديها احلى مديد وبعد ما انتقلنا للمدينة بقى اشتياقى للمديد يزيد كتير كانت امى او عمتى لما انزل البلد فى مره تعملى مديد لكن كان طعم مديد العيد ميتقارنش ابدا باى مديد تانى اصلا حالة انك من يوم الوقفه تقعد تخطط وتحجز اللبن وتجيب الدقيق توديهم كلهم البيت وعمتى من بليل تجهز الحله والنبر ده كله ميتوصفش وبعد ما عمتو تعبت شوية كنت فاكر ان كده خلاص مش حناكل مديد تانى او ان سلسله المديد اتقطعت لكن اللى حصل غير كده لما العيد اللى وراه لقيت بنت عمتى رقية هى اللى بتعمل المديد فى البدايه كنت متخوف من طعم المديد اللى حيطلع من تحت اديها وانه ممكن يبوظ عليا فرحة عيدى وذقت اول لقمة عن مضض وانا بتترق حتى على طريقة فرد العجينة فى الصحن لكن لقيت ان الطعم ما اختلفش كتير اينعم هو مش زى بتاع عمتو بس هو كمان مديد يستاهل انتظاره من عيد .......... لعيد ........ 

ربنا يحفظك لينا يا عمتو ويخليكى لينا يا بنت عمتو

سن ناب

كل واحد مننا بيحس ان فى حاجه معلقاه كده بالبلد والارض والاصل اللى اتخلق منه وفيه ومع استمرار الحياه وتغير المعالم وكمان تغير طباع المجتمع بتبقى مشتاق لتفصيله صغيرة تربطك بالمكان اللى انتا منه وعشت فيه طفولتك وكمان الناس اللى كانو سعداء بوجودك وسطهم كلنا بنخاف للزمن يغيرنا لكن بمجرد ما يبدا التغيير بنستسلم للموضوع من اول لمسه للتغيير ده لكن ديما بتبقى حاجه فى ذاكرتك بتفكرك بنفسك بالبدايه باول معركة ليك باول كلمة نطقتها واخر علامه سابها حد عزيز عليك
هو ده اللى بيحصل كل مره بطلع فيها من البيت بلاقى اللى بيلمسنى واللى بيفكرنى ديما باصلى واجدادى " سن ناج " مش مهم الاسم اتقال صح ولا غلط المهم ان هو ده اللى بلمسة سنيين كتير ويمكن من اول ما وعيت وعرفت اميز الحجات والبتاع ده متعلق ورا باب شقتنا من كتر ما اتعوددت عليه بقيت متعود ان صوته يطلع ديما مع صوت قفلت الباب او فتحته كل مره ببص فيها عليه وانا نازل بفتكر كويس اوى انى نوبى بحمد فيها ربنا وبقول بعدها يا مسهل عشان ابدا رحلتى بعدها فى المدينة الصاخبة واقابل الاشخاص الغريبة وبمجرد دخولى البيت بليل اقفل الباب بهدوء عشان ميصدرش صوت يزعج باقى اسرتى النيمين وابص عليها واقول الحمد لله لانى وصلت بيتنا
كل لما اسال امى عن سبب وجود الشئ ده ورا باب بيتنا تقول بكل اريحية وهى بتفتكر الماضى ده بتاع ستك الله يرحمها الستات النوبيين زمان كانو بيلبسوه كجزئ من الزينة وبمجرد ما تلاقيه متعلق على الصدر تعرف على طول ان الست دى جزئ مننا تجرى تشيل منها سبت الخضار من اول الشارع او توقف الكارو وتركبها معاك ولما الزمن اتغير والمكان اتغير و نقلنا للاقامه فى اسوان امى منسيتش تاخدها معاها واتغير مكانه من صدر امى لباب البيت و فضلت فتره طويله متعلقه على باب بيتنا فى اسوان وكل فتره امى تنضفها عشان الفضه تلمع كانها بتلبسها لكن الواقع ان مش امى بس الى كانت لبساها كلنا كنا لبسينها الحاله اللى كانت بتعملهالى لما افضل فتره باصص عليها وسرحان ياترى البتاع ده مر على كام جيل قبل امى وياترى حتكون امى اخر الممتلكين للسن ده ولا حيروح بعد عمر طويل لاختى الصغيرة حتى لما غيرنا محل اقامتنا لتانى مره كان من اول الحجات اللى امى حرصت على انه يتم نقله معانا وجود السن ده فى بيتنا بيفتحلنا طاقة كبيرة نشوف منها بلدنا اللى بعدنا عنها سنين وكمان بيجعلنا كلنا نتخيل بلادنا اللى مشوفنهاش شكلها كان عامل ازاى السن ده زيه زى كده ما الفلسطينيين بيشيلو مفاتيح بيوتهم بعد ما تتهدم السن ده هو مفتاحنا للعوده وهو الفلاشه اللى متخذنه عليها كل ذكرايتنا وذكرايات اللى قبلنا
كل واحد منكم اكيد فى حاجه حتى لو صغيرة وحتى لو كانت مش ملموسة بتربطه بمكان اجدادنا وبلادنا القديمة اتمسكو بيها قوى وبعدكم سلموها لعيالكم نوبيتنا عمرها ما حتموت
=========
منشور فى : https://www.facebook.com/humannubia

العيد الكبير

                        كان لينا بيت .. رغم الهموم .. ما ينطفيش فيه الفرح

 كان لينا بيت .. حاضن قلوب .. و لا يبتش فيه قلب انجرح

 ابويا كان خللي .. اخويا كان ظلي .. 

امي الحضن الكبير .. ايه بعده فاضل لي

العيد فى النوبة مختلف يمكن عشان لينا ثقافه وتاريخ وتراث مختلف بس انا حاسس ان السبب اكبر من كده بكتير فى العيد الكبير عندنا مش بس طعم البلد بيتغير لا ريحته ولونه كمان مجرد ما رجلك تلمس تراب البلد حتحس بطاقه غريبه بتشدك عشان تجرى تلفها حته حته تروح المكان اللى كنت بتلعب فيه كورة والميدان اللى بتتلمو عشان تعبو مياه منه قبل ما توصلو مواسير للبيت تفتح صدرك عاوز تسحب كل الهوا اللى فى البلد عان تبقى اكتفيت او حتى تجرى تحت النخله اللى ياما كنت بتسقيها وتتامل قد ايه الزمن عدى قد ايه الدنيا غيرتك قد ايه انتا تعبت عشان تقدر تفارق مكان زى ده وترجع تفتكر حياتك قبلها باسبوعين وانتا بتحضر شنطتك وتغيظ كل اصحابك انا نازل البلد فى العيد ولا لما تتلم على مجموعه نوبيين وتلاقيهم زيك بيستعدو للسفر تتفقو بقى على كل يوم حتقدوه ازاى فى البلد الحضن اللى بتحضنه لكل واحد تقابله فى الطريق ابن خالتك اللى غال فى شرم اللى بقالك سنه مشفتهوش ابن عمك اللى شغال فى الكويت اللى بقالو سنتين هناك زلا حتى ابن خالك اللى مكنتش تعرف انه سافر السعودية الا لما قبلته ده غير بقى الاستعداد للدبيحه ولا جلابيه العيد اللى ازم محد يشوفها قبل الصلا كل ده بيخلى جو العيد الكبير مختلف فى البلد لكن يا ترى انتا فكرت فى جدك زلان ليه رغم فرحته بلمتكم حوليه وبالبيت اللى بقى مليان بعد ما مكان فيه غيره حتلاقى ان الحاله نفسها عنده انتا فرحان عان رجعت للمكان اللى اتولدت فيه وكبرت ودرست فيه وهو زعلان عشان هو لسه مرجعش جدك كان نفسه يقضى العيد فى بلده القديم وسط زرعه وارضه ونخلتو اللى غرسها بايده هو وابوه كان نفسو يزور قبر ابوه فى العيد عشان يديله ملخص كل اللى حصل فى السنه كان نفسو فى العيد يجرى على النيل يفطر منه يوم الوقفه بعد صوم يوم كامل 

اقعد معاه فهمه ان حلمه حيتحقق حتى لو هو مكانش وسطنا قله 

بلدنا الاصليه حنرجعلها حتى لو كان الثمن دمائنا 

من حيث انتهى الاخرون 1

بعد ما تناولنا فى الموضوع الاول شخصيه اولى من الاشخاص الى لازم ابدا من حيث ما انتهو انهرده حتكلم عن الشخصيه التانيه اللى فعلا شايف انى لازم ابدا من حيث ما انتهت هى د " زينب ابو المجد " مع حفظ الالقاب

زينب تناولت اقتصاد العسكر بكل احترافيه ومعلومات كامله عن الموسسه وطريقه ادارتها للبلاد

زينب ابو المجد كتبت مقاله عن جمهورية الموز ودى كانت اول مقاله اقراها لزينب وتشدنى فعلا زينب كتبت المقاله دى بعد ما البرادعى كتب توتته المعهوده بعد تهريب المتورطين فى قضيه التمويل الخارجى وتطرقت فيه لموضوع المعونة العسكريه او الماديه الى بتقدمها امريكا للجيش المصرى والى بتتم من تحتها سفقات هى فعلا اللى ورا ثراء الجنرالات العسكريين مش بس فى مصر لكن فى امريكا كمان وكله على عينك يا تاجر ومن غير اى مسائله قانونية المقال اللى اظهرت فيه ليه المعونات الامريكية لن تنقطع عن مصر او بمعنى اصح ليه المنفعه المشتركة مش حتقف وده اللى اكدته من خلال مقال شانا مارشيل بعنوان لماذا لن تقطع المعونة عن مصر اللى تطرقت فيه الكاتبه عن البيزنس المشترك بين المؤسستين العسكريتين وشرحت بعد كده زينب ابو المجد مقوله البرادعى جمهورية الموز اللى ذكرها فى تويتته على موقع التواصل الاجتماعى تويتر

من حيث انتهى الاخرون

كتير بتتقال المقوله دى ابتدى ديما من مكان ما انتهى الاخرون عشان توفر على نفسك جهد ووقت كبييير وكمان عشان متقعش فى نفس الاخطاء لكن ازاى حتعمل ده اذا كان فى اشخاص من الاشخاص الى انتا حتبدا من مكان ما انتهو كل الدنيا بتكرههم او بتشكك فيهم وفى وطنيتهم

"مايكل نبيل" اللى عند ذكر اسمه لازم يتوصف بالخيانه او بالعماله والجاسوسية فى حين انى شايف عكس كده شايف انه بيبص للامور من الخارج وبكل حياديه وعشان تبقى ححيادى لازم تنزع عن نفسك برقع الكون يعنى مثلا لو فى حد عاوز يقيم وضع مصر بين الدول لازم يقلع برقع الجنسيه عشان يعرف يقيم الموضوع بحيادية

ده كله مش دفاع عن مايكل نبيل لكن دى افتتاحية لموضوعتنا اللاحقة

الجيش المصرى وطريقة ادارته للبلاد

اه ادارته للبلاد لان الواقع والى انا شايفه من منظورى ان رغم مدنيه الدوله اللى كسبتها مصر من الثوره دى ما هى الا ستاره مستخبى وراها كم كبيير من نرجع تانى لمايكل نبيل ومجموعه المقالات الى كتبها عن الجيش وعن بالتحديد اجباريه التجنيد

اللى كانت فعلا مجموعه شامله ومبسطه عن اجباريه التجنيد فى الجيش المصرى اللى من وجهة نظرى هو القيد بنفسه كونى كنت واحد من اللى ادو الخدمة الاجباريه المجحفة دى واللى بتمنى ان محدش تانى ياديها فعلا باختصار حسبكم مع رابط لمجموعة مقالات مايكل نبيل ولو فى قلبك فعلا ضغينه من ناحيه الشخص متبصش على الاسم اقرى بس اقرى الكلام كانه مجرد كلام لقيته على النت مش عارف مين اللى كتبه وحكم عقلك

لا للتجنيد الاجبارى فى مصر

كتبت بتاريخ 20/3/2013

سكوووووووووت

بين دماء الاصدقاء وتجاره الدين مكانى دائما

هذا ما كان يشغلنى طوال الفتره السابقة التزمت فيها الصمت وعدم ابداء الرئى كانت البداية مع الدعوة ليوم30 وماذا بعد طرحت على نفسى سؤال صعب ولكنه مشروع ماذا بعد هل نعيد التجربة مره اخره مع بياده ملوثة بدماء اصدقائى ام اصبر على سرطان يتوغل فى بلدى ويقضى على حلمى وحلم بردو اصحابى اللى ماتو تحت البيادة

طول الفتره اللى فاتت انا ساكت وبعلق على المواضيع بضحكة سخرية

كاتم عشان اصحابى ميقلوش انى اتغيرت وانى بقيت اخوان وانى راضى بالخراب اللى مصر بقت فيه

وكاتم عشان انجال مرسى وصحبته ما يفتكروش انى راضى عنهم وعن تصرفاتهم وراضى عن رئيسهم اصلا

وكاتم عشان المثاليين ميتهمونيش بالمتاجره بدم اصحابى واصدقائى

بعد يوم 30 واثناء تظاهرات الاخوان فى اسوان اتصور الفديو ده

الفديو ده لوالد محمد محسن وهو واقف فى مظاهرة للاخوان بيدعى على السيسي الكتير استغرب من وضعه انا شخصيا لما ظهر الفديو ده واتبعتلى ما انكرش انى زعلت فى بدايه الامر لكن بتفكير لقيت ان اللى قتل محمد او اتسببو فى موته هما العسكر صح طيب يبقى وقوف ابو محمد هنا صح لكن كمان اللى اتخلو عن محمد سعتها كانو بردو اللى ابو محمد واقف معاهم فى الميدان ومش بس كده دول كمان وصلو للسلطه ومفكروش فى حق محمد اللى فى رقبة شاهين ولا حتى حاولو انهم يفتحو قضية فى الموضوع ده غير ان لحد فتره قريبه كانت لسه بتتنظر فى قضيه محمد لاحتسابه شهيد من شهداء الثورة عند الدولة ناس كتير اعتبرت الفديو ده متاجره بدم محمد الفديو ده هو اللى خلانى ابطل كلام وافكر اكتر طب ده متاجره امال اللى احنا بنعملو ايه اسم محمد اللى بنقولو فى كل مكان حقيقى تفكير بقى مشوش بين المتاجره وانك تفتكر صحبك وتفتكر دمه انا حقفل الموضوع خالص سلام  

كركر السم فى العسل

زى ما عودتنا ديما القوات المسلحة انها تبث السم فى العسل وتجبرنا ناكله ونتلزز وهى بتبتسم مش لانها شبعتنا لا لانها قتلتنا كتير الناس اتكلمت عن كركر ويمكن اكون انا اخر واحد اتكلم عنها بس فى الواقع انا طول الفتره اللى فاتت كنت بدرس الكلام واوفقه مع وجهة نظرى ومع خبرتى القليلة فى الموضوع ازاى مؤسسة بحجم الق ترضخ لفئة من الشعب وتحقق حلمهم اللى عقيدتها اصلا ضده من زمان هو ده بقى الفار اللى كان بيلع فى عبى من ناحية الموضوع

 الموقع الجغرافى ووقوع كركر وسط مناطق عسكرية واماكن رمايه خاصة بالقوات المسلحة اللى بدورو بيمنع من ان يكون فى ظهير صحراوى للبلاد او كمان ان يكون فى بناء رأسى للبيوت (زى ما اهالى جزيرة هيصا محرومين من كده دلوقتى )وده اللى فعلا راعتو القوات المسلحة فى طريقة البناء للبيت بانها تعمل نظام القبب وكمان متعملش قواعد مسلحة للبيوت وان الاماكن الوحيده اللى مبنية مسلح فى المنطقة هى الجامع والوحدة الصحية  يعنى انتا محروم من اى توسع سواء كان افقى او رئسي واللى كمان بيخليك تحت العين على طول لانك فى نظرهم خاين ومعرض فى اى وقت انك تخون او (تستقل ) ده غير انو كده حقق المعضله الاكبر فى تفريق النوبيين واللى فشل فيها عبد الناصر من تسكين الكنوز فى كركر  والفاجيكات فى منطقة جديده جنب  ابو سمبل السياحى بيتم دراستها لحد دلوقتى من قبل الجهة العسكرية 

 ايه بقى العسل اللى خلطوه بالسم اللى فوق ده

كركر تعتبر منطقة كويسه من حيث بعدها عن اسوان وكمان توافر الكهرباء بشكل دائم مش زى قرى الفاو اللى موجود فيها الكهرباء عن طريق المولدات والديازل وده لوحدو كفيل انه يغرى كتير من النوبيين ده غير انه جمعهم كلهم فى مكان واحدى فى التهجير لحد دلوقتى مش كاملة المرافق

المزيكا بتاعتنا لغتنا اللى " بنكلم بيها العالم "

كل واحد مننا بيفتخر باللغة بتاعتو والعالم كله بيتقف على غه واحده اللى هيا الموسيقي او المزيكا زى ما كلنا بنسميها والحاجه التانيه اللى مرتبطه بيها او نقدر نقول انهم مع بعض حاجه واحده هى الرقص مجرد اما تشتغل المزيكا حتلاقى عفرتها ركبك وجسمك بدا يعمل حركات لا اراديه تتناسب مع قرع الطبول وتميل مع الالات الوترية فى المسيحية حتلاقى المزيكا عندهم تضرع وتقرب للرب فى الاسلام تعتبر مظهر من الزهد فى الحياه بنلاقيها فى التصوف وفى تناغمهم حتى بالكلام واليهودية الرقص عندهم تقرب من الرب ونوع من العباده لما تلاقى نفسك بقى انتا الرائد فى اللغة اللى بتحبها او بتتفق عليها كل الناس سعتها لازم تعرف انك مختلف لازم تزيد فوق الفخر فخر ايوه انتا هنا واقف على ارض افريقيا الارض اللى سكنها بيغيرو وبيلعبو فى صوت الهوا الناس اللى بترقص حتى لو من غير موسيقى تلاقى الناس بترقص وسط الغابه على حفيف الاشجار او على صوت وقعت المطر على الاغصان لما تلاقى الابداع فى عما الالات الموسيقية من الطبيعه المحيطة تلاقى واحد قاصص بوص وعامل منه اكسليفون وتلاقى واحد جايب قرع وحاطه جوه طشتوبعزف ومتمزج وتلاقيه بيطلع احلى صوت لما تلاقى واحد جايب السلك العادى وشاده على طبله ومطلع منها طنبور لازم تتاكد انك من طبقه تانيه من البشر ايوه انتا من افريقيا ولما تلاقى الرقص بقى جوه كل بيت مش بس هزة وسط تلاقى النوبيين بيتمايلو زى موج مياه النيل تلاقى البنت بتهز صدرها وهى باصه للسما عشان تتفاخر بجمالها وتلاقى الراجل قصادها بينط من النشوه اللى وصلها من فرط الموسيقى حتى السيف اللى فى كل الاماكن استخدامه بس للحروب فى افريقا بنرقص بيه النطه الاليه اللى من كام سنه الناس كانت بتتريق وتقول ايه اللى الناس دى بتعملو هما دلوقتى بيتنططو وهمو بيسمعو التكنو والهاوس النط ده مش هبل زى ما هما بيعملو ده يدل على العزة والفخر بالمكان والزمان وفى نفس الوقت هو خضوع للموسيقى الخطوات المحسوبه بالسنتى عفرة الارض بعد النطه من غير ما توسخ الرجل حتى فى الكلام والتشبيه والبلاغه حتى فى اللغة العربية اللى هيا اصلا مش بتاعتنا فتلاقى احلى كلام فى الاغانى السودانيه لما كوبليه يرفعك لفوق فى السما من كتر الفخر زى على سبيل المثال مش الحصر " نحنا الفرع نحنا الضرع نحنا الفرع فوق فى السماء وفوق الارض نحنا الجبال "وفى نفس الاغنيه تلاقيه بيقول "من الجنوب قامت اغانى الريدا تتوجه شمال "مش شرط ان الغنى او المزيكا يكونه غزاء للروح او مرتبط بالغزل بس تلاقى الافارقة مبدعين فى سرد المشاكل عن طريق الغنا اللى اسمه RAP وتلاقى كمان بيوعى الناس لفكر سياسي زى مكان بيعمل وردى
المزيكا لو فى كل الحته الناس بتسمعها عشان ترقص وتفرح بس ف احنا عندنا الموسيقى ليها استخدامات تانيه كتير ممكن المزيكا تكون رثاء او كلام اتقال فى عزا زى اغنيه " كلمنى يا حلو العيون " اللى قالها الشاعر التجانى حاج موسى واللى كان سمع كلمتها فى عزاء لبنت قريبه وحولها بعد كده لاغنيه غناها محمد ميرغنى
كمان تلاقى اغانى عباره عن سيناريو مش محتاج لكاميرا زى اغنيه " سعاد " للعملاق الكابلى او اغنيه " طفل العالم الثالث " للاسطوره وردى والكابلى
من الاخر المزيكا عندنا هى الكلام 
نصبح على بعض باغنيه مسكاجروه ونمسى باغنيه
وتتمسو بالعافيه