الورده الى بينى وبين مصر

حرجع انهرده اتكلم عن مصر مع انى كنت قلت انى مش حتكلم عنها تانى فى البوست الى فات
حتكلم عنها لانى اكتشفت ان فى حجات فعلا ربطانى بمصر وحاجه من الحجات دى هى دم اخويا محمد محسن 
محمد كان اخوا ورفيق دربى ومصبرنى على صعوبه سيرى فى الطريق السياسي المصرى وكمان هو السبب فى معلومات كتيره فى دماغى لانو فعلا كان مثقف وملتزم جدا هو الى كان بيقيمنى ويقولى ده صح وده غلط محمد ببساطه برغم فرق السن البسيط محمد كان ابويا واخويا الكبير فى السياسه محمد كان الدينمو بتاعنا محمد كنا كلنا مسمينو الجاحد محمد بصراحه كان بيقاس بيه مستوى النشاط السياسيى فى اسوان بعد الثوره مجرد سفره لسوهاج عشان يكمل دراستو فعلا السياسه كانت بتنام فى اسوان
انا ومحمد اتربينه مع بعض كنا مع بعض فى المدرسه هو اكبر منى بمرحله بس اخوه الاصغر منو احمد كان فى كل مرحله معايا جنبى فى الدرج الى ان افترقنا فى المرحله الثانويه احمد يروح الثانوى وانا اروح الصنايع واروح الصنايع الاقى محمد هناك وترجع الصداقه القديمه اكتر من الاول لحد ما محمد يجيب المجموع العالى الى انا مقدرتش اجيبو عشان نروح نفس الكليا الى هو راحها ف انا اكمل دراستى فى اسوان وهو يدرس فى سوهاج الى نزول البرادعى مصر وبدايه الجمعيه الوطنيه للتغيير وبدايه حمله معا سنغيير ولما قدرت بصعوبه اتحصل على رقم الحمله فى اسوان واروح اقابل المسؤلين عن الحمله ف الاقى محمد محسن سابقنى وبينزل معاهم شغل فعلا
وتمر الايام وننزل شغل مع بعضلما يكون موجود فى اسوان ولما يسافر يشارك مع الحمله فى سوهاج
لحدت لما سفرنا مع بعض فى اعتصام 8 يوليو.
سفرنا من غير حجز تخيلو من اسوان الى القاهره بين عربيات القطار عشان نلاقى مكان نقعد فيه وبعد ما وصلنا نزلنا على الميدان
واستمرنه فى الاعتصام لحد ما اتطريت انى ارجع على اسوان لظروف اسريه واستمر محمد هناك لحد ما جت مسيره العباسيه (وزاره الدفاع )
واعتدو بلطجيه الشرطه العسكريه على المتظاهريين محمد اتصاب بطوبه فى راسه فى المسيره ولانى كنت فى اسوان كنت بتابع معاهم المسيره لحظه بلحظه بالتليفون والتويتر والتلفزيون اول اما سمعت ان هو اتصاب كلمتو هو كان كل الى بيقولو اصابه خفيفه خير ان شاء الله يمكن كنت الوحيد الى سمعت صوته قبل ما يتخل فى غيبوبه بعد ما سمعت وضعو تانى يوم حسييت بصدمه شديده بس كنت متفائل خير كنا كل الى بنتمناه ان محمد يرجع تانى يمشى معانا فى الشوارع نسمع ضحكته الى بترج المكان نلاقى حد يحمسنا ويشد على ايدنا وكنا كل اما نيجى نتقف على نشاط نقول استنو نسال محمد ربنا يرحمك يا محمد .
انهرده عيد ميلاده كان ممكن يكون وسطنه بس كلنا عرفين مين الى سلب مننا الدحكه والحياه
المجلس العسكرى
لحد دلوقتى محمد الدوله ما اعتبرتهوش شهيد الفكره مش فى التعويضات او فى معاش شهرى رغم ان ده مش عيب لان محمد كان بيساعد فى مصاريف اسرته لكن عشان اسم محمد ياخد حقو وده الى انا متاكد منو موت محمد قوبل بتجاهل حكومى شديد رغم ان الى استشهدو بعد محمد فى محمد محمود او فى غيرها احتسبو من الشهداء وكمان الى استشهد قبل محمد فى 18 يوم بردو احتسب شهيد

بعد ايام قليله من الان حكون جندى فى القوات المسلحه مش عارف ازاى حلبس زى زى الى كان لبسو واحد كان السبب فى موت محمد او ازاى حاخد اوامرى من واحد زى ده او ازاى حكون عضو فى منظومه خزلت مصر كلها وده كان اعتراضى على التجنيد من البدايه مش خوف من حاجه لانى فعلا كنت بخدم مصر بكل ما اوتيت من قوه برفقت اخويا محمد لكن انى اكون فى منظومه فاسده زى دى هو ده الى حيكون صعب عليا فعلا ربنا يصبرنى عليهم ويعدى فترتى على خير وبسرعه 

" وتارنا مستمر ويسقط يسقط حكم العسكر "

الدستور الاسمر

المدونه بتاعتى انحدرت انحدار كبير وبدات تظهر عليها عنصريتى المفرطه انتجاه عرقى وثقافتى واصلى مش حعتزر ولا حطلب منكم تسامحونى لان ده التطور الطبيعى للتجاهل الى موجه نحيتنا التجاهل الموجود فى كل مكان والى المفروض كان حيختفى بعد الى مسمينها ثوره .....
من زمان ناس طلعت من النوبيين وطالبو بحقوقهم والناس اتهمتهم بانهم عاوزين يفصلو النوبه عن مصر ويمكن انا كنت مع الناس الى رافضين الموضوع ده ووقفت مع اصحابى المصريين اعزرونى مش قادر اقول انى منكم ومارست السياسه من سنين كنا معارضين للنظام الى بيقهر الكل الى بيقمع الحريات الى بيستبد والى سامح بتزاوج السلطه براس المال قضينا فيها سنوات عديده لحد ما جيت اللحظات الحاسمه وقامت الثوره المصريه فرحنا وزعلنا على الشهداء وبعد كده اكتشفنا اننا ماسقطناش نظام رجعنا وحربنا تانى وقفت جنبهم وقدامهم فى لحظات تانيه خسرنا اصدقاء تانيين خوضنا انتخابات كنا شاكيين فيها لكن حاربنا عشان نكسب فيها اي نعم خسرنا بس لعبناها بشرف ساعتها كان ممكن اننا نعمل زى ضعاف النفوس كتير الى تخلو وانشقو عن الصف عشان اغراض شخصيه او فئويه لكن انا كنت ضد كده كمان ووقفت جنب اصحابى لحد اخر لحظه ملعبتش على العصبيه فى الانتخابات ووعيت الناس انو مش مهم يكون فى ممثل للنوبه فى البرلمان رغم ان دى حاجه كويسه بس الاهم كان ان يكون فى البرلمان شخص كويس وقادر انو يجيب حقوق الكل وطبعا منجحش حد نوبى فى البرلمان والنوبه لم تحصل الا على مقعد واحد بالتعيين مزعلناش ولا غضبنا وعدينا الموضوع ودخلت مصر بعد كده على حرب جديده وهى الدستور الجديد الى كل الناس كانت بتحلم بيه صبح وليل الناس كلها اختزلت الدستور فى الماده 2 وبغض النظر عن موقفى منها الا ان الناس سابت الدستور كلو ومسكت فى ماده واحده او عاوزه تضمن ان الدستور الجديد يكون فيه نفس الماده لكن انهم يشوفو الدستور المفروض يكون فى ايه تانى مش مشكله ساعتها طالبنا احنا النوبيين ان يكون الدستور المصرى الجديد يحمى الاقليات والتعدديه الثقافيه الطلب ده مكانش غريب لان فى دساتير كتيره فى العالم بتحترم ده زى المغرب والجزائر والعراق وسوريا وغيرها كمان على المستوى العربى والمستوى العالمى كمان ....
مش عارف ليه ناس اتخوفت من الطلب ده رغم انو اقل ما يطلب للنوبيين .
من الطبيعى فى اى بلد حتى فى مصر ان لجنه وضع الدستور لازم تحتوى على ناس من كل اطياف الشعب من مشرقها لمغربها ومن شمالها لجنوبها
لكن لما نكتشف ان لجنه وضع الدستور المصريه تحط كل اطياف الشعب وتغفل النوبيين يبقى بقى كده انتو مش عاوزينا معاكم فى بلدكم وبتطردونه بالزوق ودى اقل حاجه تتقال عشان كده من انهرده انا مش فخور بانى مصرى .... انا فخور بانى نوبى نوبى وبس ومش عاوز من مصر حاجه تانيه وحقى حاخدو بايدى افتكرو كلماتى لما تيجو في يوم تقولو دول ناس عاوزه تقسم البلد اعتقد انكم عرفتو مين الى بيقسم البلد كويس .......

النوبه ... والعصيان

حقطع سردى لاحداث الثوره فى اسوان عشان اتكلم عن العصيان والاضراب ....
مبدئيا الكلام عن العصيان او الاضراب انا موافق عليه وبشده احنا كنا بدانا ننفزو فعلا قبل الثوره وكنا بندعى ليه بعد جمعنا توقيعات بيان التغيير لكن بعيدا عن ده ف كلامى حيكون عنصري شويه انهرده ( عن نفسى كنوبى اسمر من الاقليات )
انا كنوبى ضحيت او بمعنى اصح ضحى جدودى بالبيوت والاراضى والتعلق الشخصى والعام بالمكان فى سبيل ان مصر تقيم المشروع القومى الى هو السد العالى انا اختصرت التضحيه فى التعلق فى المكان لكن التضحيه اكتر من ده بكتييير مش شرط انى اذكرو لان كتير منكم عارف لكن النوبه عانت كتتييير مش مجرد كلام لا ده فعلا وفعلا جدا والى شاكك فى كده  ممكن اتناقش معاه لكن استمرار الدوله فى تعنتها الاخير فى ان النوبيين مالهم ما اهم مرميين فى خور كوم امبو مبيعملوش مشاكل نركنهم شويه ونشوف الناس الى عملا دوشه دى وبعد الى حصل حتى فى الموقف الاخير من غرق قريه ابو سمبل تعاملت الجهات الامنيه بطريقه فيها الكثير من اللامبالاه حتى الان المساكن فى ابو سمبل لم ترمم بعد وحتى المساكل التى بدات فى الترمييم كانت بمجهودات من السكان وحجت الدوله فى كده  ان الارض لسه منشفتش يعنى الناس تقعد بقى فى العراء عشان المساكن لسه منشفتش وميروحوش المدرسه الى غرقت والى جزئ من السور بتاعها واقع فى تشقق فى الفصول لحدت اما البلد تنشف ياخى ( كلمه من 3 حروف يعتبرها الشعب المصرى شتيمه ) فى حين ان اصلا قناه المحور كانت سجلت من قبل الثوره مع اهالى القريه دى الى طالبو من المحافظ انو يبنلهم مصرف موازى للترعه عشان يحميهم من النشع الى اصلا كان بيسبب التشقق فى البيوت من قبل حتى الغرق لكن المحافظ والحكومه نفضو بردو للموضوع
المهم المشكله مش فى دى لان ده العادى من الحكومه المصريه اتجاه النوبيين .
كدا خلصنا جانب الحكومه الى الكلام مش عليها اصلا انا حتكلم للنوبيين للنوبيين فقط .
انتم يا نوبيين من قبل الثوره بننادى بحقوقنا والدوله منفضه ايا كان وادى كركر فقد رفض الكثير من النوبيين هذا المشروع وغصب عنهم كملت الحكومه البناء بتاعها.
حق العوده ................... لم ينفذ
فصل الدائره ............... لم ينفذ
تغيير اسم بحيره ناصر الى بحيره النوبه ............ لم ينفذ
تنميه مركز نصر النوبه ........ لم ينفذ
وغيرها كتييير وكتيييير من المطالب الى متنفزتش

بعد الثوره

مقتل شاب من توشكى ..... سبب الانفلات الامنى
مقتل شاب اخر ..............سبب الانفلات الامنى
مقتل شاب اخر ............. سبب الانفلات الامنى
غرق قريه ابوسمبل ........تقصير حكومى وانفلات امنى
عضو فى البرلمان ........ غلبان وجى بالتعيين
عضو فى المجلس التشريعى للدستور ..... مظنش
كل ده الحكومه بتعملو مع النوبيين من قبل الثوره وبعدها وغيرهم كتييييير انا مش فاكرها او نسيتها او اختصرتها
النوبيين يعملو ايه يتظاهرو .... مش بتوع تظاهر
يعتصمو ...... اختصارا معندناش نفس طويل
يقطعو طريق ..... مش فى طبعهم اصلا

المطلوب من النوبيين دلوقتى او فى الوقت ده تحديدا اننا ننشر فكره الاضرابات او العصيان المدنى امبارح وانا بشوف التلفزيون كانو جايبين ازاى جنوب افريقيا تخلصت من التمييز العنصرى اسلوب ممنهج وخطير وبخسارت اقل قدر من الارواح واسلوب سلمى بسيط
مندفعش فواتير كهربا ولا ندفع فواتير ميا ولا اى تحصيل للحكومه منا وكمان ننظم ايام منشتريش منها من السوق اى حاجه حتى علبه الكبريت نقدر نعمل كده ايوا نقدر نعمل وكمان ممكن كل الناس تشارك معانا كل الى مؤمن بقضيتنا وكل النوبيين المغتربين فى كل مكان فى مصر .
الفكره مطروحه للنقاش ........!!!!!
نرجع تانى للعصيان او الاضراب الى فكرتو مغرقا البلد مشارك او معارض فكان اولى بالنوبيين انهم يتبنو الفكره دى كده حيثبتو انهم مع مصر ومع الثوره وكمان طريقه لعوده حقوقهم .
لكن لما اشوف المجتمعات النوبيه واشوف الكيانات او النشطاء النوبيين معظمهم منفض او رافض لفكره الاضراب ف ده يشعرنى بالخزى اتجاه اهلى وعرقى لكن كمان نبص للجانب المشرق هما اتحاد شباب النوبه الديموقراطى الاتحاد الى اعلن انضمامو وتضامنه مع العصيان او الاضراب فى 11 فبراير ايا كان المسمى الاتحاد ده هو الى بيمثلنى فى التفاوض على حقى كنوبى مع اى جهه والى حيصرح بيه الاتحاد ده انا ملتزم بيه كنوبى لانى شايف انه على حق كمصرى نوبى الاتحاد مش جديده عليه الحكايه دى لانو كان بردو الاتحاد الوحيد والاول النوبي الى يعلن عن انضمامو للاضراب بتاع 6 ابريل 2008 اتمنى كل التقدم للاتحاد الذى يشرفنى ان اكون عضوا فى واطرح ايضا موضوع عصيان النوبيين للنقاش .

25 الثوره

انهرده حتكلم عن الثوره عن يوم 25 يناير 2011
الى ححكيه يمكن مش كتير الى يعرفو لكن اليوم ده بالنسبه ليا كان يوم عظيم وعشان كده ححكى من قبلو قبل اليوم ده كلمت عمر صالح وابراهيم الريان عشان نشوف لو حننزل فى اسوان كان الرد من ابراهيم انو مسافر وحيحضرو فى القاهره احبط ساعتها لكن طبعنا انا وعمر صالح وبعد عناء بيان 6 ابريل بتاع ساكت ليه

ساكت ليه 

وقعدنا نوزعو وبعد كده فى مره وانا قاعد على صفحه الفيس بوك فى واحد ادمن فى جروب بعتلى درجات الحراره المتوقعه لمحافظه اسوان رحت انا رديت عليه وقلتلو بعد يوم 25 كل حاجه حتتغير لقيتو بيرد عليا وقالى انتا حتنزل يوم 25 قلتلو اكييد حنزل قالى فين قلتلو فى اسوان قالى فى واحد من حزب الوفد بينظم لليوم ده قبلها كنا ظبطنا انا وعمر صالح وجمال فاضل اننا حننزل وكمان صفحه كلنا خالد سعيد كانت حاطه رقم الحمله فى اسوان الى فى سعتها كان مع الاستاز جمال رحت قلت للى بعتلى درجات الحراره الى بعداها اتعرفت عليه وطلع ابراهيم العجمى

ابراهيم العجمى

اننا كمان بنظم لليوم ده وادانى رقمو ورقم ميسره بتاع حزب الوفد الى كان هو كمان بينظم لليوم ده من ناحيتو وعملنا اجتماع كبير لكل القوى السياسيه الى كانت اعلنت نزولها فى اليوم ده وحولنا ننسق مع مندوبينهم هنا او الافرع بتاعتهم هنا فى اسوان

ميسره

عملنا اجتماع موسع كان يوم 20 ولمينا فيه كل القوى السياسيه الى حتشارك فى اليوم ده كانو ( كفايه و حمله دعم البرادعى وشباب الوفد ومجموعه شباب مستقلين كانو اتصلو بجمال فاضل او بعمر صالح او ميسره او انا )
كان من ضمن الناس دى احمد عبد الرازق ومحى عبد الحميد

احمد عبد الرازق

محى عبد الحميد

بعد ما خلص الاجتماع واتفقنا على الخطوط العريضه على اليفط الى حتترفع واتفقنا على اننا مش حنشيل اى يفط تدل على انتمائتنا الحزبيه او الايدلوجيه بتاعتنا .
وبعد ما خلصنا نزلنا انا واحمد عبد الر ازق وعمر صالح ومحى عبد الحميد وقعدنا فى كفاتريا تحت وبدانا نصوغ بيان جديد عشان الناس تنزل معانا وحطينا فيه مشاكل الناس الى فى اسوان وبدانا نصور الورق انا واحمد عبد الرازق لاننا كنا اصغر 2 فى المجموعه وبدانا نوزع الورق اليوم ده واليوم الى وراه اول اما جينا ننزل نوزع الورق لقيت الناس بتكلمنى وتقلى ان احمد عبد الرازق بتوع امن الدوله رحولو البيت وكان كمان احمد هو الى معاها كل المنشورات قلت حنطبع منشورات تانى لكن احمد طلع ناصح وخباهم كويس لكن بتوع امن الدوله راحو يهددو احمد بس ولا قبضو عليه ولا اخدو المنشورات طبعا بيت احمد رفضو انو يطلع اليوم ده عشان كده عمر راح اخد منو الورق وابتدى يوزع هو بقى واحمد قعد فى البيت اليوم ده ولحد يوم 25 وظهرنا فجاه فى المظاهره
مكان التظاهر كان متفق عليه انو حيكون فى ميدان المحطه لكن استاز جمال فاضل كان اقترح ميدان النفق وانا كمان كنت موافق عليه لان لو حصل اى حاجه حيبقى اماكن الهرب كتيره لكن ميدان المحطه يعتبر مقفول
المهم ان الاغلبيه اجمعت على ان التظاهر حيكون فى ميدان المحطه وكلنا وفقنا على كده
ويوم 24 بليل  كان فى الاجتماع النهائى الى اتعملت فيه اليفط والشعارات وكل حاجه الاجتماع ده انا محضرتهوش رغم انى كنت فى اسوان بس انا كنت بلف على الميادين واقعد على القهاوى اشوف الناس تجاوبت مع المنشور بتاعنا ولا لا لقيت الناس عارفه ان بكره حيكون فى مظاهرات لكنهم مش حينزلو والمفاجئه لما رحت ميدان المحطه ولقيت 5 عربيات امن مركزى عند المحطه وعربيات مصفحه عند الحزب الوطنى قبلها عمر صالح كان كلم ابراهيم الريان وقالو انو يرجع من مصر لاننا حنتظاهر فى اسوان وابراهيم رجع يوم 24 وقبلتو قعدنا احنا التلاته انا وابراهيم وعمر فى ميدان المحطه وقعدنا  نهظر اننا حنتمسك بكره وقعدو يقلولى انى منزلش لان كان يوم 26 ورايا امتحانات لكن انا قلتلهم انى حنزل ومش مشكله وانا دى حتكون اول مظاهره كبيره فى اسوان كان قبلها فى مسيره صغيره مشيت فيها انا وعمر وكام واحد كده عشان احداث القديسين .
وجى اليوم الموعود يوم 25 يناير :
عندى فى البيت كانو يعرفو ان فى مظاهرات ويعرفو انى نازلها لانهم شافو المنشورات الى معايا لكن ابويا الصبح عمل معايا حركه حلوه نزلنى عشان اشترى حجات للعمال الى بيشتغلو فى بيتنا وخلانى اخد معايا اختى الصغيره عشان يضمن انى مش حزوغ منو لكن انا اخدت اختى الصغيره واشتريت الحجات ورحت على ميدان المحطه الصبح بدرى كانت الساعه 8 وشوفت الوضع هناك كان مستقر غير العربيات الامن المركزى والمصفحه الى كانت بايته من قبلها بيوم ورحت على ميدان النفق المكان التانى الى كان مقترح لقيت فى عربيتين امن مركزى واخدت اختى ووديتها البيت ووديت الحجات للعمال وسعتها كننت مجهز تليفونى المحمول عشان اصور التظاهره وكنت منزل برنامج bambuser عشان ابث المظاهرات على الهواءعشان لو حصل اى احتكاك او اى حاجه يكون عندى نسخه منها لكن سعتها البرنامج مكانش بيدعم خط موبنيل رحت اشتريت خط اتصالات وجربت البرنامج واشتغل ورحت اصور التظاهره فى الاول كان كلنا قاعدين على قهوه بعيده شويه عن الميدان كان الى قعدين هما محى وابراهيم الريان وعمر صالح اباهيم كان جايب علمين صغيرين وقالى اروح اشتريلهم ماسوره عشان نحط فيها الاعلام رحت عند اكتر من كهربائى لكن المواسير كانت كلها كبيره على العلم فى كهربائى قالى انتا عاوزها ليه رحت طلعتلو العلم قالى عشان المظاهرات قلتلو ايوه انتا حتيجى قالى يلا من هنا معنديش مواسير واحد تانى قالى تعالا ودخلنى زى مخزن وقعدنا نجرب على كل المواسير الى عندو منفعتش رحت رجعت لعمر وابراهيم الى كانو غيرو القهوه وراحو على قهوى فى الميدان كانت قهوه الجمهوريه ولقيت العدد كتر كان سعتها جى ميسره وكام واحد كده وفى واحد اتصل بيا سالنى على مكانا قلتلو على اسم القهوه راح ابراهيم زعقلى قالى انتا تعرف الواد ده قلتلو لا قالى عاوز تسلمنا يعنى رحت دحكت وبعد كده نفس الواحد ده اتصل بميسره وقالو نفس الكلام الواحد ده طلع قناوى

محمد قناوى 

وكنا قاعدين مستنين استاز جمال وبتوع كفايا استاز جمال كان قايل انو حيجو معاه ناس من كوم امبو لكن فى الاخر جى هو وبنتو واختو ومجرد ما وصل استاز جمال كلمنى وقالى انتو فين قلتلو انا موجود فى القهوه وجى فى وسط الميدان وحط الكيس الى كان في قزازه الميا وطلع العلم الكبير بتاعو وهتف رحت انا كمان قمت طلعت من القهوه وجريت على الميدان وقعدنا نهتف كلنا كان منظرنا جامد كنا عاملين لوح كتيره وملفيناش حد يشيل اللوح هههههههه فى البدايه كنا حوالى 10
انا
وابراهيم
و عمر صالح
وميسره
وقناوى
واستاز جمال
واحمد عبد الرازق
وبنت استاز جمال
واخت استاز جمال
وبدا بعد كدا العدد يزيد وظهرو بتوع كفايه
عم شينقيرى
ومصطفى باله
و دكتور هشام
واستاز احمد درويش
ومرات الدكتور هشام
ظهرو باعلام كفايا والاستيكرات بتاعتهم
والعدد بدا يزيد وجى بعد كده الحج داود وده بقى حكايتو حكايه .

الحج داود من بلانه واستاز جمال هو الى كان دعاه انو يجى المظاهره هو و الحج احمد كاجوج لكن الحج احمد كاجوج مجاش
وجى الحج داود بس كان بيجى من بلانه ويرجع بليل كل يوم فى مظاهرات فى اسوان
وفضلنا نهتف ينضملنا ناس ويمشو ناس ويصورنو بتوع امن الدوله
وسعتها ظهر خالد واستاز اسامه يوسف
الى عرفت بعد كده انهم محاميين من الاخوان المسلمين
خالد كان بيهتف بطريقه جنونيه وكان بيزعق فى بتاع امنا الدوله ويقلو " صور صور ورى لسيدك بكره الثوره حتيجى تشيلك "
واحنا كلنا بنهتف وراه
فضلنا نهتف لحد الساعه 5 وبعد ما تعبنا كلنا واتفقنا على اننا ننهى التظاهره كان احمد عبد الرازق الوحيد هو الى معترض على انهائها وسعتها زعق جمال فاضل وقال انو حيفضل فى الميدان لحدت لما كل واحد يروح بيتو ويرجع لاهلو سليم وان لو فى القاهره استمرت التظاهرات للايام الى جيا احنا كمان حنيجى كل يوم فى نفس الميعاد وهنهتف هنا حتى لو لوحدنا
ومشيت انا وابراهيم ومحى واحمد عبد الرازق وكانت معانا ايات  رحنا وصلنا ايات وبعد كده كان الاتفاق اننا كلنا حنتجمع فى حزب الوفد رحنا لحدت شارع المطار المقر بتاع حزب الوفد ورجعنا تانى على ميدان المحطه وقعدنا على قهوه فلسطين كلنا وبعد كده مشيت انا واحمد عبد الرازق على الاشاره لانو ساكن قريب من هناك وانا كنت رايح هناك عشان اخد الملزمه بتاعت الماده الى عليا تانى يوم من واحد زميلى اخدت الملزمه وروحت البيت وقعدت اتفرج على التليفزيون ومزكرتش لحدت لما شفت تفريق المتظاهرين فى ميدان التحرير وبكده انتها يوم 25 حابب اشكر كل الناس الى جت هتفت والى مهتفتش والى اتفرج علينا فى النحايه التانيه للميدان وكل الى دعالنا من البيت لانهم خلو اسوان تعيش يوم زى ده يوم حيخلد فى الذكرى الى ابد الدهر
اجل لقد كانت فى اسوان ثوره .

 

http://bambuser.com/channel/aswan.eg/broadcast/1354965


http://bambuser.com/channel/aswan.eg/broadcast/1354969

حكايه بيان عمل ثوره 1

حكايه بيان عمل ثوره

انا للى ميعرفنيش احمد رجب من اسوان قاع الجمهوريه ودى كانت حكايتى معاه مع من ايقظنى الى الحياه " بيان "
بدات فى مره كنت راجع مع اصحابى للبيت ف يوم الساعه 1 بليل ورايح اشرب من كولدير ميا لقيت استيكر مكتوب عليه  "معا سنغير " وعلم مصر

البيان انا كنت موقع عليه من قبلها وكنت بقنع اصحابى وعيلتى كلها انها توقع على البيان لكن انى الاقى الاستيكر ده فى قاع الجمهوريه هو ده الى مكنش متوقع كنت حموت واقابل الى لزق الاستيكر عشان اشتغل معاه وفضلت احكى لك الى اشوفو عن الاستيكر ناس قلتلى يمكن مجموعه جت من القاهره ولزقتو ومشيت وانا اقتنعت بكده لكن فى مره وانا على الفيس شوفت خبر 
http://www.almasryalyoum.com/node/128075

وكانت دى مفاجئه بالنسبالى وقعدت ادور على المدعو جمال فاضل ( هههههههه)

جمال فاضل

وفى يوم وانا على الفيس بوك بتاعى برضو لقيتو كاتب رقم تليفون الحمله وانا مكدبتش خبر رحت مكلمو وقلتلو انى عاوز اتطوع فى جمع التوقيعات اكتشفت كمان انو من كوم امبو يعنى كمان مش من اسوان المحافظه رحت قبلتو كانت فى جنينه عامه وكان قاعد هو وحوت الحمله فى اسوان ابراهيم الريان

ابراهيم الريان

قعدت معاهم وكان معايا صحبى حسن والريان قعد يشرحلنا البيان بتاع التغيير والبنود ال7 الى فيه مع انى كنت عارفها بس حسن مكانش عرفها وقعد يشرحلى ازاى نزل طرق ابواب وقالى ان شباب الحمله فى مكان حولينا بيلمو التوقيعات وحيجو كمان شويه
طبعا هما كانو قلقانين مننا وده حقهم ههههههه المهم قعدنا معاهم وفعلا بعد شويه بداو يظهرو ارجل ناس فى اسوان بدا يظهرو وحوش التغيير فى اسوان اول واحد كان

عمر صالح

عمر ده بقى كان سياسى قديم فى اسوان من اقدم اليسارين فيها يمكن حزب تجمع سابق وكمان عضو حركه كفايا يعنى راجل سياسى سياسى


والى ظهر بعدو كان

هاشم

هاشم ده بقى شاب عادى عمر هو الى ضمو للحمله بس هاشم كان مقتنع اقتناع تام بالى بيعملو بيدرس فى تجاره بورسعيد ولما بينزل اجازه بينزل مع الحمله




والى ظهر بعد هاشم وكان محطه مهمه فى حياتى هو

محمد محسن

محمد محسن هو كان كده بيضحك وهو بيشتغل وهو بيتكلم وهو بيعيش بيضحك محمد متعرفتش عليه فى بيان التغيير محمد انا اعرفو من ايام الطفوله كنا بنروح ونيجى من المدرسه مع بعض وهو كان اكبر منى بسنتين رحنا ابتدائى مع بعض واتفرقنا فى الاعدادى وفى الثانوى اتجمعنا تانى وقضينا 3 سنين مع بعض لاننا كنا بندرس فى صنايع 5 سنين محمد بعدها دخل كليه تعليم صناعى سوهاج
واتفرقنا سعتها لانى مجيتش مجموع الكليا بس كنا بنتقابل صدفه محمد كانو ملقبينو فى الحمله ب ( الجاحد ) كان بيشتغل بحماس كبير وكان حاطط فى بيتو المجلات واستمارات البيان الفاضيه وكان عندو استعداد اننا ننزل كل يوم رغم انو كان بيشتغل الصبح وشغلانه صعبا كمان اول اما الريان وجمال فاضل شفونا نعرف بعض اتطمنولى شويه او نقدر نقول اتطمنولى خالص لان محمد مكانش حاجه هينه فى الحمله محمد كان بيشتغل معانا فى اسوان ولما يروح سوهاج كان بيشتغل مع الحمله هناك كمان يعنى كانت حياتو كلها بيان التغيير  محمد اتوفى فى مسيره العباسيه الى كانت رايحه لوزاره الدفاع بتطالب بتسليم السلطه 

والى ظهر بعد محمد هما مش متذكر اسمائهم كويس بس كان واحد قريب محمد وكان واحد تانى اسمو احمد هما منزلوش معانا كتير بس مكنوش من السوابت الى بتنزل معانا زى محمد وعمر وابراهيم الريان وجمال فاضل
ومن هنا بدانا نشتغل ونشتغل على البيان

عسكر كاذبون

عسكر كاذبون هو عرض فيلمى للى عملوه العسكر فى المتظاهرين السلميين فى ميدان التحرير والى خافت التليفزيونات انها تعرضو العرض ده لى مزايا كتير اولها انو وعى شباب الثوره انهم كانو عزلو عن المجتمع بالطريقه دى هما بيرجعو تانى للشارع لو مش بالمساعدات يبقى بانهم يورو الناس الحقيقه فكره انك تعرض افلام فى الشارع اصلا فكره روعه وكمان شبابيه خصوصا فى ظل تضليل الاعلام كل الاعلام حتى الاعلام الى بيعرض وجه نظر الثوار او بمعنى اصح بيدعى ذلك لكن هو بيوصل فكره مختلفه وسط الكلام


انا عجبانى فكره العرض وشاركت فيه وحشارك فيه تانى عرض كاذبون فى اسوان حيتعمل لتانى مره .
لو تعرفو الصعوبات الى بتوجهنا عشان ننزل نعمل عرض زى ده مجموعه شباب عجباهم الفكره مش عاوز انسى حد منهم كلهم بيتعبو واحد اتبرع بالاب توب بتاعو عشان نعرض منو الافلام للشاب المنسى دائما الى اتبرع بالسماعات وكمان بالشاشه الكبيره اينعم هى حتت قماشه بس بردو هو اتبرع بيها الى كل الى بيوفرلنا كهربا من بيتو عشان نشغل بيه الليله كلها لكل الشباب الى بيقبل الصداع الى بيعملو الجمهور من مناقشات حاده حولين دور العسكر والبديل ليه والبلابلابلا التانييين الكلام الى بقى محفوظ الى بيرددوه حزب الكنبه والاخوان والسلفييين والفلول الى البنات الى اتبرعو انهم يفهمو البنات والسيدات الى زيهم عن الى بيعملو العسكر فى الستات قبل الرجاله فى النهايا انا مبسوط لاننا بننزل الشارع تانى وبننزل كمان باقل التكاليف مقابل حاجه عظيمه بنعملها حنكمل وحننزل كمان يوم 25 بشكل مختلف فى محافظه اسوان حنواجه احنا بعددنا القليل الكتله البشريه من الشعب المغيب والقليل من الناس الى بتستعبط




كان معكم العبد لله من محافظه منسيه تابعه لمصر ووالله العظيم فيها ثوار اينعم قليلين بس بنعمل كل حاجه نقدر نعملها ......

الثوره مؤنثه

معلش لانى بدات بالفديو ده بس الحقيقه الفديو صدمنى ازاى يحصل كده لبنات اصلا ايا كانو دول ثورين ولا لا بس بنات ومش مسموح لاى حد انو يلمسهم او حتى يقول عنهم كلمه فما بالك لو كانو بنات ثورين طالعين فى مسيره
مصر كلمه مؤنثه
الثوره نفسها كلمه مؤنثه
دور المرئه فى الثوره كان عظيما
مش مجرد كلام ده الواقع الحقيقه البنات عملو دور جامد فى الثوره من اول يوم تعالو نشوف النت بتكون ازاى فى البيت والقيود الاجتماعيه والنفسيه الى بتكون مفروض عليها بداية من المنزل
كام بنت نزلو الثوره كام بنت وجهت عائلتها عشان تنزل تصرخ بصوتها فى وش الظلم وابوها واخوها نايمين فى البيت
كام بنت استحملت الكلام الى بيتقال عليهم والى اتقال فى الفضائيات على بنات الميدان وكتمتو بداخلها الظلم والقهر الى كانت فيه والمواجهات الى كانت بتحط نفسها فيه
اولا : البنت بتطلع من البيت ده طبعا بعد حرب بينها وبين ولى امرها ايا كان عشان تنزل المظاهره
ثانيا : بتهتف فى الشارع وبتعرض نفسها للخطر لان محدش يعرفها فى المسيره وان يتقبض عليها حاجه سهله ومحدش حيعرف طريقها
ثالثا: كلام الناس الى فى الشارع ده طبعا لو محدش اتعرضلها
كل ده والبنات بيدافعو باستماته ومصممين ان يكون ليهم دور فى الثوره
بعد كل ده نشوف دورهم فى المستشفيات الميدانيه وفى علاج المصابين وخصوصا فى الاحداث الاخيره بتاعت شارع عيون الحريه (محمد محمود ) كل ده البنات عملو فى الاحداث الاخيره تلاقى دكتورتين بيعالجو الشباب على خط النار
نيجى بقه للمراه عامة الى فى البيت الام الى بتعرف ان ولادها نازلين رايحين وممكن ميرجعوش ورغم ده بتساندهم وبتقف معاهم ده فى حد زاتو كفاح .........

الفديو ده بيوضح بنت من البنات دى بنت من البنات الجدعان الى ضحو بكل حاجه عشان مصر الى ضحو بحاجه اكتر من الموت الى ضحو بأعز ما تملك المراه وللاسف كمان لما يكون الى عمل معاها كده هى القوات المسلحه الى الناس بتطلع فى مظاهرات تأيدهم والى المتاسلمين طلعو وقالو فى الميدان ( يا مشير يا مشير من انهرده انتا الامير ) يعنى يبقى المشير امير وهو بعمل افعال زى دى لبنات بلادو لبنات ضحو وواجهو الصعاب عشان ينزلو يقولو رئيهم بحريه تعتقدو دول يستحقو فعلا يرفعو رايه الدين  .... ولا دول بنات يستهلو ان يحصل فيهم كده .......

                             
 

اخيرا وليس اخيرا صوره اخرى للمراه بكفاحها الكامل المجرد من اى نوع الاستاذه / وفاء العشرى

وفاء مع حفظ الالقاب نوع من الفتيات الى كانو معانا من اول الثوره يمكن من اول يوم من يوم 25 والى طلع اليوم ده فى محافظه اسوان اكيد حيعرفها وفاء من الاعداد القليل من الفتيات الى شاركو فى الثوره فى المحافظه وفاء عندها يمكن نفس القيود الاسريه الى فى اى حته ويزيد عليها كمان انها منتقبه وده يمكن انا شايفو حاجه تانيه جنب كل شئ يزيدلها لا ينقصها ولما سالناها فى مره غريب انك منتقبه وبتنزلى مظاهرات قالت (  النقاب غطاء للوجه وليس للعقل )

فى كتير زى وفاء طلعو ومنتقبات لكن فى مجتمع زى اسوان اعتقد انو صعب جدا
" موقف مش حنساه لوفاء لما تم القبض عليا انا وصديقى فى موجه المظاهرات وهى عرفت اننا بالداخل جت لمدير الامن وزعقت معاه عشان تطلعنا حقيقى ده حصل من بنت عدت كل الحدود وكل القيود لدرجه انها تعرض نفسها لحاجه زى دى  "
مش بس ده الى وفاء عملتو وفاء كمان مشاركه فى الانتخابات اول انتخابات تشريعيه بعد الثوره على" قائمه الثوره مستمره " رمز الهرم فى مجلس الشورى ده مش دعايا لوفاء او للقائمه ده دعم لمراه اقل ما يقال عنها جدعه والترشيح ده يعتبر تحدى جديد لوفاء المنتقبه الى اترشحت على قائمه ثوريه بحته اتمنى لها التوفيق فيه اينعم وفاء 3 واحده فى القائمه بتاعتها ودى حاجه مزعلانى جدا بس ده اتهاض للمراه عامة لانى مش شايف مراه فى اول قائمه على الاقل فى محافظتى بس ده ميعنيش انى مش حدى لقائمه وفاء صوتى فى الانتخابات

---------------------------
فى النهايه بشكر كل بنت فى مصر عامة وفى اسوان خاصة خرجو فى مظاهرات عبرو  عن رئيهم وكسرو كل القيود
====================

يسقط يسقط حكم العسكر

فلسفتى للانتخابات

بالنسبه للانتخابات التشريعيه القادمه الغبره دى الى مش عارفنها جيا ولا لا بالصلاه على النبى ف دى حتكون اول انتخابات تشريعيه لمصر بريحه الديموقراطيه انا مش واثق انها حتكون ديموقراطيه بالكامل لكن الى واثق منو انها حتكون اقرب الى الحقيقه بعض ما انا بقى مع الانتخابات دى وحنزل حدى صوتى بس مش حتصور بالحبر كنوع من الحزن والاسى على الاحداث الى جرت قدام عينى فى شارع محمد محمود بعلن احترامى الكامل لكل الى عاوزين يبطلو صوتهم والى عاوزين ميروحوش اصلا .....
لكن تعالو نبصلها من ناحيه تانيه
مين المرشحين ( اخوان - سلفيين - ليبرالين - فلول)
اولا الاخوان :
ولا كانو معانا فى محمد محمود ولا فى مليونيه الفرصه الاخيره وراحو الازهر وبتوع الازهر نزلو وافقو على مطالب الميدان ههههه من سخريه القدر المهم الاخوان نازلين الانتخابات لدرجت انهم قاتلو عشانها وسابو الناس الى ماتت فى شارع عيون الحريه محمد محمود سابقا ومش كده وبس دول وافقو على حكومه الجنزورى ولو كانو المجلس حطو حسنى تانى كانو حيوافقو عشان الانتخابات يبقى كدا الاخوان مشاركين بقوتهم ومفيش حد فيهم قال حقاطع او حبطل صوتى 
ثانيا السلفيين :
مش حنتكلم عنهم كتير خد كوبى بيست من الاخوان رابعا الليبراليين :
بتوع كل شئ هههه وبتوع الافتكاسات الى داخلين الانتخابات رجل قدام وعشره ورا الى وقفو الحمله الانتخابيه واحترمهم عشان الى حصل فى الشارع المذكور والى مقتنع بانهم خسرو كتير بالحركه دى داخلين الانتخابات بردو المشكله انهم داخلين بس بعض المايدين ليهم حيقاطعو الانتخابات ومش بس كده دول كمان حيبطلو صوتهم لو راحو يبقى كده مين الى حيخسر الليبرالين واتباعهم
خامسا الفلول :
مش عاوز اقول كوبى بيست من الاخوان لحسن الاخوان يزعلو عشان كده حنمشيها كوبى بيست من السلفيين
بل هما احرص على الانتخابات منهم كمان يعنى الفلول نازلين 
==========================
بالمعادله السابقه ينتج ان :
الخاسر الوحيد هم الليبرالين وامثالهم لانهم هما الى اتسحلو فى محمد محمود وهما الى ماتو واتفقعت عينهم وهما كمان الى حيقاطعو الانتخابات وحيبطلو صوتهم
=========================
اقصد بالليبراليين كل الناس غير التلاته التانيين يعنى حط معاهم الشيوعيين والاشتراكيين المستخبيين
الصوره الى جيا عجبانى شويه لانها ممثله التكتلات الى حتتخل الصراع الانتخابى

احنا لحد دلوقتى متاقلمناش على الجو الانتخابى  وده يمكن سبب من اسبابو هو انشغالنا باحوال البلد لكن احنا حنحاول نضغط على نفسنا عشان نوفق بين الاتنين
كمان فى حاجه تانيه محافظتى تعتبر مرحله تانيه والانتخابات حتبان من المرحله الاولى ومش معنى انى بعلن انى حشارك فى الانتخابات القادمه يبقى ده رئى حاسم لا انا ممكن اغير رئى فى اى وقت على حسب المرحله الاولى ولو لقيت فى اى تجاوزات انا مش بس حمتنع عن الانتخابات لا انا كمان حمنع ده انو يحصل وممكن كمان اوعى الناس لترفض الانتخابات دى
.........................................
نقطه كمان احنا نزلنا انتخابات 2010 وابطلنا اصوتنا لاننا كنا نعرف سلفا انها انتخابات مزوره لكن المره دى الحكايه مبهمه بس مسيرها حتبان والايام بيننا
----------------------------------------
يسقط يسقط حكم العسكر

حسنى = حسين

 

القراءة الهادئة للخطاب: " الراجل ده ... هو لا يخاطب "التحرير" مطلقا. و لكنه خاطب "الثكنات " ليظهر في هيئة المدافع عن شرف القوات المسلحة. ثم خاطب "الداخلية " ليشد من ازرهم في ضرب الثوار. و خاطب "الإسلاميين " بالتأكيد على إجراء الانتخابات في موعدها. ثم خاطب من هم خارج التحرير بطرح موضوع "الاستفتاء" ليضع من هم خارج التحرير في مواجهة من هم داخله و يظهر هو في دور حامي الشرعيه " منقوله

 

  ده يمكن الى حنطلع بيه من الخطاب ايه الجديد نفس التعامل من اول فض اعتصام حصل فى التحرير يوم 8 ابريل نفس التعامل الوحشى الى بيحصل الجيش دعم الشرطه وحطو فى المواجهه فى الفتره الاخير وطبعا العيب مش فيه العيب فى الطراطير الموجودين فى الوزاره مفيش حاجه اسمها مش حعرف اعمل او مفيش فى ايدى صلاحيات فى الاحداث الاخيره الكل اثبت ان جهاز الشرطه من اصغر عسكرى لاكبر لو كلهم زى بعض والجيش كمان نفس النظام الى يشوف الانتهاكات دى كلها ويسكت من غير استقاله او انشقاق يبقى بيسعدهم نفس السلبيه الى كانت بتحصل فى نظام مبارك وعشان كده الناس رجعت للميدان الفديو بيوضح خطاب المشير وكل الى عملو الجيش فى المتظاهرين فى مواقف عده ضيف عليها كمان الى بيحصل فى السجون والمحاكمات العسكريه كتير كان بيجزم ان ده كلو نتيجه ان المجلس العسكرى ممارسش ديموقراطيه او انو استعان بمستشارين مش متمكنين الى اعرفو ان الى يغلط يعتزر مش يتزايد فى الخطا "الاعتذار قوه ..وليس ضعف " لكن كمان مش مسموح ليه انو يتماده فى كده ختاما كمان ازاى يطلب انو يتعمل استفتاء عشان يسيب الحكم هو كان اخد الحكم باستفتاء عشان يسيبو بكده حتى لو كان زى ما قالو ان الاستفتاء ده حيكون عشان تتبرى القوات المسلحه قدام التاريخ انها سابت الحكم بناء على طلب الشعب التاريخ كدا كدا حيحكم وحيسجل الاحداث والانتهاكات الى بتحصل
===========================

اما الناس الى فى البيوت الى معترضين على التواجد فى الميدان ف مش حكتبلهم كتير كفايه انهم يقرو مقالت الاستاز علاء الاسوانى  "ابو شامه "الى بتحكى الواقع او الفتره الى عشناها فى ظل العسكر اترككم مع المقال   

السكان في ذلك الشارع كانوا مثل سائر البشر : بعضهم أشرار ومعظمهم طيبون ، يعملون بتفان حتى ينفقوا على أولادهم . كان من الممكن أن تستمر حياتهم بطريقة طبيعية لكن القدر ادخر لهم مصيرا مختلفا :

. ذات ليلة قبيل الفجر استيقظ السكان على صراخ واطلاق رصاص . خرجوا الى الشرفات . كانت الضجة تنبعث من شقة حسن الخردواتي في آخر الشارع .

كان حسن عريسا جديدا وكانت زوجته باهرة الجمال . . هدأت الضجة وعندما طلع الصبح وجدوا جثة حسن الخردواتي ملقاة في عرض الشارع وقد علقت على صدره ورقة مكتوب عليها بخط كبير :

ــ هذا جزاء من يعصى المعلم "أبوشامة"

. سرعان ما انتشرت الحكاية : ملثمون مسلحون هاجموا حسن يريدون زوجته ولما دافع عنها قتلوه ثم اغتصبها زعيمهم "أبوشامة "

.. سرت حالة من الفزع بين السكان وهرعوا الى نقطة البوليس القريبة من الشارع . استقبلهم رئيس النقطة ، ضابط طيب في أواخر الأربعينيات يتمتع بثقة الأهالى الذين اختبروه مرارا من قبل فوجدوه شجاعا وأمينا .

طمئنهم الضابط الى أنه سوف يقبض على " أبوشامة " خلال يوم أو اثنين على أقصى تقدير . .. في اليوم التالي تكرر الأمر بتفاصيله مع فرج الحلاق . دخلوا عليه وحبسوا أطفاله الثلاثة بعد أن قيدوهم وكمموا أفواههم ثم هجم أبوشامة على زوجة فرج الذى ما أن دافع عنها حتى قتلوه وألقوا به في الشارع وعلى صدره ورقة مكتوب عليها نفس الجملة :

ـــ هذا جزاء من يعصى المعلم " أبوشامة " .

.

تكررت الحادثة بنفس التفاصيل مرة وراء أخرى .. الزوج يقاوم فيقتل والزوجة تغتصب . ظل " أبوشامة " يقتل الأزواج ويغتصب الزوجات . وفي كل مرة يشيع السكان جنازة زوج شهيد يهرعون الى ضابط النقطة ويتوسلون اليه أن يفعل شيئا ..

بعد أن زاد الحاح الأهالى اضطر ضابط النقطة الى مصارحتهم بالحقيقة فقال :

ـــــ هذا النوع من الجرائم يصعب منعه . . أنا لا أعرف الضحية المقبلة وليس لدى أفراد لحماية كل زوجة في الشارع .

هؤلاء المجرمون يجيدون استعمال السلاح كما أنهم ليسوا من المنطقة ولا أعرف أماكنهم . ...

كانت ذروة المأساة عندما أدرك الأهالي أن الشرطة عاجزة عن حمايتهم ..

أحسوا أنهم في كابوس مرعب حتى أن بعضهم ترك الشارع لكن معظمهم لم يكن يملك الاختيار ،

من أين يأتون بشقق جديدة وهم يعيشون بالكاد ، اضطروا الى البقاء في مساكنهم..

... ماحدث بعد ذلك مخجل حقا . فقد استمر اغتصاب الزوجات لكن أحدا من الأزواج لم يقتل . كف كل زوج عن الدفاع عن زوجته أو ربما كان يبدى دفاعا شكليا حفظا لماء الوجه ثم يتركها بعد ذلك ل" أبوشامة " يفعل بها ما يشاء .

في البداية كان الرجل الذى تغتصب زوجته يبدو منكس الرأس لا يجرؤ على محادثة الناس أو حتى النظر اليهم . شيئا فشيئا قل احساس الرجال بالعار من اغتصاب زوجاتهم ...

ربما بفعل العادة وربما لأن البلاء وقع عليهم جميعا .. تقبل رجال كثيرون اغتصاب زوجاتهم واعتبروه جزءا من حياتهم وانصرفوا الى أداء أعمالهم بل ان بعضهم حمدوا ربنا علنا على أن " أبوشامة " يغتصب الزوجات ولا يغتصب البنات العذارى حتى لايفسد فرصهن في الزواج . .

الزوجات المغتصبات تناقلن همسا في حكاياتهن السرية أن قدرة " أبوشامة " الجنسية خارقة لم تعرفها امرأة منهن من قبل حتى اللاتي تزوجن أكثر من مرة .

المغتصبات لم يرين وجه " أبوشامة " لأنه لايرفع اللثام مطلقا عن وجهه لكنهن جميعا وصفن شامة سوداء كبيرة بين أسفل عنقه وأعلى صدره . .

الشيخ عبد الباسط امام الجامع ( الذى اغتصبت زوجته أكثر من مرة ) قال في خطبة الجمعة

ـــ ان الرجل الذى يغتصب أبوشامة زوجته في حكم المضطر لأن مقاومة " أبوشامة " تعنى الهلاك المحقق

العجيب أن الشيخ عبد البر مع تساهله في موضوع اغتصاب الزوجات ، كان متشددا للغاية في مظاهر الدين فكان يرفض مصافحة النساء ويرفض الحديث مع اية امراة غير محجبة

أما أحمد عبد القادر .. المثقف اليساري المعروف الذى ينشر مقالاته في جرائد عديدة ويظهر أحيانا في التليفزيون فبعد أن اغتصب " أبوشامة " زوجته مرارا .. خرج بنظرية راح يرددها على الناس في المقهى :

ــ ان احساس الرجل بالعار عندما تضاجع زوجته شخصا آخر .. ليس الا احساسا رجعيا بملكية جسد المرأة ورثناه عن الثقافة البورجوازية المتعفنة ..

عندما كان أحد الجالسين يعترض كان عبد القادر ينهى المناقشة بثقة وتعال :

ــ اسمع يابنى .أنا لن أضيع وقتى معك . هل قرأت ديكارت أو نيتشه .؟!. هل سمعت عن هيجل أو شبينجلر .؟!.

كانت هذه الأسماء تصيب المستمعين بالرهبة وتلزمهم الصمت عندئذ يستطرد المثقف الكبير قائلا :

ـــ اقرأ لهؤلاء الفلاسفة وسوف تدرك أن ان اغتصاب " أبوشامة " لزوجتك ـــ في جوهره ـــ ليس الا حادثة ارتطام . قطعة لحم دخلت في قطعة لحم أخرى .. لا أكثر ولا أقل ..

على أن موقف الشيخ عبد البر والأستاذ عبد القادر كان أهون من موقف بعض الأزواج الذين بعد أن يقضى " أبو شامة "وطره من زوجاتهم كانوا يطلبون مالا أو خدمات وكان " أبوشامة " يجيبهم الى طلباتهم لكنه يتعمد أن يثنى على مفاتن زوجاتهم ليستمتع باذلالهم . .

تغيرت أخلاق الناس في الشارع و تحول معظمهم الى شخصيات أنانية منافقة كارهة تتوجس من الآخرين وتكره لهم الخير وتفرح لمصائبهم كما ساد التطرف بينهم في الاتجاهين ..

بعضهم استسلم للمخدرات والخمر والملذات ربما ليدفن احساسه بالمهانة والبعض الآخر تطرف في فهمه للدين .. فصار الحجاب والنقاب واللحية بالنسبة اليهم علامات الدين وأوله ومنتهاه ،

صار هؤلاء المتطرفون دينيا يختلفون على أمور شكلية فيتبادلون الشتائم المقذعة والاتهامات بالفسق والكفر ولا يفكر أحدهم أبدا في أنهم جميعا لايفعلون شيئا بينما زوجاتهم تغتصب بانتظام .

مر عامان ونصف العام ، ثلاثون شهرا والشارع يعيش في هذا الكابوس حتى تزوج كريم من جارته مها . كريم ابن الحاج مصيلحى ( الذى اغتصب " أبوشامة " زوجته مثل الجميع ) .. . على أن كريم بمجرد عودته من شهر العسل ذهب لأداء صلاة الجمعة ولما تكلم الشيخ عبد البر عن حكم المضطر وقف كريم وقال :

ــ يا فضيلة الشيخ السكوت على هتك العرض ليس من الدين ..

هاج المصلون عليه لكنه أصر على رأيه ثم أعلن بوضوح :

ــ ان زوجاتكم تغتصب لأنكم استسلمتم أما أنا فلن تغتصب زوجتى وأنا على قيد الحياة وسوف ترون .

كثيرون في الشارع سخروا منه لكن كثيرين أيدوا منطقه وانضموا اليه ، شباب وشيوخ كانوا ينتظرون من يشجعهم على المقاومة . بالتأكيد وصل خبر كريم وزملائه الى " أبو شامة " ففى اليوم التالي هاجم شقة كريم ليغتصب زوجته ونشأت معركة رهيبة ترددت أصداؤها في الشارع من أقصاه الى أقصاه واستمرت ما يقرب من ساعة كاملة وفي النهاية تم اخراج ثلاث جثث لشهداء من زملاء كريم ولم يلبث كريم نفسه أن ظهر وهو يجر على الأرض جثة

" أبوشامة" الذى انكشف اللثام عن وجهه الدميم الكريه بينما قبض الناس على أفراد عصابته وهللوا وكبروا وجاء ضابط النقطة ليحتضن كريم ورفاقه واحدا واحدا وقال لهم :

ــ لقد استرددتم بشجاعتكم شرفنا جميعا .

سادت حالة من الفرح الغامر بين الأهالي وحدث بينهم نوع من الاتفاق الضمنى بنسيان الماضى . لم يعد أحد من السكان يتذكر ماحدث لزوجته أو زوجات الآخرين .. استبشر الجميع أخيرا لكن السرقات بدأت تنتشر بكثافة .سرقات من كل نوع .بدءا من سرقة أحذية المصلين في الجامع وخطف حقائب السيدات وحليهن في الشارع وحتى سرقة الناس يالاكراه في ساعات الليل المتأخرة .. أحس الأهالي بخيبة أمل وبدأ بعضهم يردد أن

" أبوشامة " بالرغم من اجرامه كان يحمى الشارع من اللصوص . ذات ليلة هدد لص حمدى اللبان بمطواة وأخذ حصيلة المحل ثم فر هاربا على دراجة بخارية كانت تنتظره .

ظل حمدى اللبان يستغيث بالناس ويولول كالنساء وما أن رأى كريم وأصحابه حتى صاح فيهم :

ــ الله يخرب بيوتكم . ضيعتم الشارع . ـ. اننا نتعرض للسرقة كل يوم عيانا جهارا .. ولا يوم من أيامك يا " أبوشامة " ..

هنا لم يحتمل كريم فصاح فيه :

ــــ أنت غاضب من أجل بضعة جنيهات بينما كانت زوجتك تغتصب أمام عينيك وأنت راض .. كادت أن تحدث معركة بين كريم وحمدى اللبان لولا تدخل العقلاء . لكن كريم أدرك أن ما قاله حمدى اللبان يعبر عن رأى بعض الناس في الشارع . أؤلئك الذين ألفوا اغتصاب "أبو شامة "لزوجاتهم وتعايشوا معه ولطالما أخذوا ثمن تفريطهم في شرفهم . ذهب كريم بصحبة زملائه الى ضابط النقطة وقال له :

ــ يجب أن تؤدى واجبك في حماية الناس .

بان الغيظ على وجه الضابط لكنه تمالك نفسه وقال :

ــ سيعود الأمن قريبا

ــــ طالما قلت ذلك ولم تفعل شيئا

ــ أنا أبذل كل جهدي

ــ أنت تعلم أن كل هؤلاء اللصوص من أتباع " أبوشامة " وهم يروعون الناس انتقاما لمقتله

ــ ما تقوله بلا دليل

ــ بل هو لايحتاج الى دليل

ــ ماذا تريد يا كريم ..؟

ـــ هل أنت معنا أم علينا ..؟

ـــ هل نسيت أننى أول من هنئك بانتصارك

ــ

ـــ أنت تتكلم ولا تفعل شيئا

ــــ حاذر في كلامك

ـــ لقد واجهت الموت واستشهد زملائى أمامي فلن يخيفني تهديدك ..

ساد صمت مفعم بالغضب وفجأة طرأت فكرة لكريم فاقترب حتى صار ملاصقا للضابط ثم صاح :

ـــ افتح قميصك

بان الاضطراب على وجه الضابط وحاول أن ينهض من مكانه لكن كريم الذى توقع حركته قبض بيد على رقبته وضغط عليها ليشل حركته وباليد الأخرى نزع رباط العنق وفتح ياقة القميص.. عندئذ رأى أسفل عنق الضابط.. شامة سوداء كبيرة . .

., الديمقراطية هي الحل

 

ينشر المقال بجريدة المصري اليوم

صباح الثلاثاء 19 يوليو 2011

" محمد محمود "

فى رؤيه الأمس حكمه

"إنسان ينفجر غاضباً وهو في قمة هدوءه ... مظهره لايعكس مايكنه في داخله .. عندما يتحدث آشبهه بالبركان الذي قذف الحمم"
ما اشبه اليوم بالامس ومن سخريه القدر انه كثرا ما يعيد التاريخ نفسه وفى رؤيه ما حدث فى الامس عظه وخبره وما مررنا به فى الايام السابقه كان ابلغ تجربه .
ومن الجيد ان ينظر الانسان لما فاته من لحظات .....لحظات مرت مرور الكرام كان يجب الوقوف فيها والتفكير لكن لم يسعفنا الوقت لنشاهدها لنتعلم من اخطائها وليبث فينا الامل
يبث فينا الامل لان ما انجزناه لم يكن بالشئ القليل من كان يتصور ان تكون مصر فى هذه المكانه كلنا كنا نتوقع استمرار لمسلسل سورى ومصرى ايضا قديم
ثرنا امكملنا ام لن نكمل تكفى ثورتنا لنشعر اننا ما زلنا احياء لنشعر اننا لم نكن ننفخ فى الهواء لقد تحرك السكون وكلنا يقينا اننا لن نعود الى وضعنا السابق " ببساطه لقد عرفنا الطريقه " وصلنا الى كسر القيود وارجاع الثقه فى النفس لكل مصرى لانه سيعرف من يختار وان اختياره سيكون عاملا مؤثرا فيما بعد

اعتقد ان كل انسان مصرى عرف ما له وما عليه
لنعود اذا مره اخرى الى الامس لقد قدمنا الكثير من التضحيات فقدنا شباب فى عمر الزهور فقدناهم بكل معنى الكلمه كان سيخرج من بين اضلعم ابناء اخرين يقدسون قيمه الوطن ويفخرون ويحافظون على تضحيه ابائهم لقد فقدنا اجيال واجيال مع كل شهيدا سقط لارساء مبادئ الديموقراطيه والمواطنه وتوفير سبل المعيشه الادميه ( العداله الاجتماعيه )
من حوالى العامين كان ما نحن فيه الان مجرد حلم بل كان ايضا خيال ولكن بمساعدة الاله وبمساعده كل الشرفاء تحول الى واقعا ملموس واقعاً نعيشه وننعم به
اختم كلامى وانا كلى يقين بان القام سيكون احلى واجمل ما دمنا لا نعود الى الخلف ولن نعود يوما للخلف

عن احمد العسيلى

متسالونيش ليه وازاى واشمعنى دلوقتى .....
الراجل ده يستاهل انى اتكلم عنو من زمان من اول مره سمعتو فيها على الراديو وبعد كده على قناه مزيكا ثم الراديو مره تانيه وانتهاء باون تى فى
احمد انا اتعلمت منو حجات كتيير جدا
واختلفت معاه فى اكتر لكن بحترم وجه نظرو
عاجبنى فيه انو بيتكلم عن الحجات من وجه نظرو هو مش بيلون فيها ولا بيجامل حد واتمنى انو يستمر كده على طول طريقتو فى الكلام واسلوبه فى الكتابه بيخلينى استمتع بالقرايه ليه بشده لدرجت انى مجرد ما امسك الكتاب بتاعو مبحبش اقوم قبل ما اخلصو رغم ان الكتاب بيكون عن مواضيع مختلفه عن بعض شئ ما
انا حتكلم عن " الكتاب الثانى " زى ما هو حب يسميه ومش حتفرق الاسم كتير المهم الكاتب هو " احمد العسيلى "
فى جزئ فى الكتاب ده كتبو العسيلى زى كانو بيقول الى جوايا بالفعل كان بيتكلم فيه عن " الستات " ايوه الستات او حتى الانسات سموهم زى ما انتو عاوزيين المهم انهم الجنس الاخر المكبوت والمظلوم فى كل وقت وكل مكان وكل زمان
الغريبه ان احمد العسيلى كان كاتب الكلام عن الاطفال وانا بقراها قلت دى كمان تنفع عن الستات لقيتو كاتب من تحت ان القطعه تنفع للستات كمان وده الى اثار حفيظتى انى اكتبها لانى من زمان شايف المراه مظلومه فى كل بقاع الارض على فكره مش هنا بس الى يفرق هو النسب بس
مش حكتب اكتر انا حسيب العسيلى يتكلم
    "    اولى بكل انثى حريه  ان تخطأ خطئها الخاص ويرتكب حماقاته الخاصه وينجح كمان نجاحاته الخاصه .. اديهم رئيك الخاص لكن متجبرهمش لزم قرارات كل بنت تبقى عايده ليها هيا مش لحد تانى لما ينجح حيشعر بالعرفان ليك لانك كنت السبب فى انتلاقتهاوكمان حيشعر بالفخر لنفسها ولما تغلط بردو حتلوم نفسها بس كمان حتشكل شخصيتها الخاصه وبكده عمرك ما حتخاف عليها    "
الكلمه خلصت يمكن صغيره لكن معناها كتيير عشان كده انا بديها لكل بنت ولكل ست عشان تديها لكل راجل فى حياتها وكمان بهديها لملك السعوديه ولرجال السعوديه الى المراه بالنسبه ليهم غنم فى البيت مش اكتر وفى النهايه تحيه لكل ست وكل بنت وكل انثى عملت حاجه مفيده للبشريه حتى لو كانت انها انجبت بس... وتحيا كمان لكل دكر كل راجل ساب حريه لكل انثى عشان تشكل شخصيتها الخاصه
=========
بعيدا بقى عن الموضوع ده
"انا لسه تارى مع المجلس مخلصش "